JAMES 4:3 - Kathara Bible (BSI)

³ Nathumna polala masamphangmana, kachiwui vangkhala kaja nathumwui ningrin mamashungla phasāna ningkachāng chimāng poi.

JAMES 4:3 Iomraidhean Croise

1 WUNGNAOBING 3:11

Kala Varena ali hānga, “Khikhalajila nana ili kashāngla, okapeila, kala yangkashebingli athut khuikhavaila mapola, kha kashi-kaphā theishap khavai kapo hiwui vang,

JOBWUI LAIRIK 35:12

Athumna ringngai, kha makaphā miwui langkasowui vang eina ana mangahānkāmimana.

LAA 18:41

Athumna kanmi khavai ngakaowa, kha huimi khavai khipākha maleisāmana, Proholi athumna ngakaowa, kha ana mangahānkāmimana.

CHĀNSAM 1:28

Chieina athumna ili ngakaora, kha ina mangahānkāmara; athumna ili phāshang phātālala masamphangmara.

CHĀNSAM 15:8

Makhayāwui pha̱kaphayā Prohowui mangāli ningkakachaina, kha mashungrik kahaiwui seihā kasā awui ningyāng khaungna.

CHĀNSAM 21:13

Kachāmabingwui ringkhangāli manganākasang mi chile ana ringkhangā tharan alila mashāmimara.

CHĀNSAM 21:27

Makhayaawui pha̱kaphayā ningkakachai otna, kashi ningngai eina khuikharā tharan kayākha marmeirakhala!

JEREMIAH 11:11

Chiwui vang, Prohona hithāda hānga, Yanglu, athumna mayāmshokrarki kaji shāt ina athumwuitungli khuirāra; athumna ili ngakaolala ina manganāsangmimara.

JEREMIAH 11:14

Chiwui vang eina yurbing hiwui vang seihā mapomialu, athumwui vang mavaomialu, seihāla masāmialu, kaja athumwui kakhanang atamli athumna khangakao tharan ina makhuisangmiluimara.”

JEREMIAH 14:12

Athumna kakhum eina pamlala ina athumwui khavao mashāmimara, rikkatā kachigat, theishirai chigatlala ina makhuisangmimara; kha ina raighai eina, chāmrei eina, kazāt eina chithitra.”

MICAH 3:4

Chiwui thili athumna Proholi chapta vaora, kha ana athumli mangahānkāmara; chitharan ana athumwui eina mai ngareithuihaora, kaja athumna athumwui otsak zakshi ngasakhaowa.

ZECHARIAH 7:13

Ina vaolaga athumna makashā thāda, athumna vaolala ina mashāmimana, da saikorawui Prohona hānga.

MATTHEW 20:22

Kha Jishuna ngahānkāda hānga, “Nathumna kapo chi khikhala da nathum matheimana, ina mangki kaji tengkot chi nathum mangshapla?” “Ithum shapa” da athumna ngahānkai.

MARK 10:38

Kha Jishuna anili hānga, “Nanina kapo chi khikhala da nani matheimana. Ina khamang tengkot chi nani mangshaprala kala ili ra̱kahik chi ra̱hikshaprala?”

LUKE 11:10

Kaja kapo mi kachiva̱li mira, kaphā mi kachiva̱na samphangra kala kashao mi chili shomira.

LUKE 15:13

Zimiksho khani kathumthangwui thili ana awui shimluiyar yorkhuiserhailaga pheisā chi khuiphungda ngalei katāva̱ akhali thuihaowa. Apam chili sopmasaplak eina okthuilaga awui lan saikora sākasakserhaowa.

LUKE 15:30

Kha nawui naomayarapā hina sopkhamasap sha̱naobingli ngasoda nawui lan sāmakanmihailaga hankhaung tharan nana awui vang asākakā seinao taithatmilamā!’

JAMES 4:1

Nathumwui alungli khangama̱ khangashao hi khina shokkhangasakhala? Chi nathumwui ningli phasāwui ningkachāng otmāng kaphaning eina kashokna.

1 JOHN 3:22

Awui kahāng nganāda ali ningyāng ungkhangasakwui vang ithumna kapopo chi awui eina samphanga.

1 JOHN 5:14

Ithumna awuili ningkhanganung hi lei kaja awui ningkachāng athishurda ithumna poakha ana khuisangmi.