JAMES 4:2 - Kathara Bible (BSI)

² Nathumna kahaolala masamphangrarmana; chiwui vang mi shaothatngai kala ngamarlala nathumna makhuirarmana, chieina nathumna ngama̱ ngashaowa. Nathumna Vareli makapowui vang kakahao ot chi masamkaphangna.

JAMES 4:2 Iomraidhean Croise

1 WUNGNAOBING 21:6

Ana ngahānkai, “Ina Jezreelpa Nabothli, ‘Nawui yāmgui chi I lohaoga, chi maningakha ningkachāng drakhāthei yāmgui khangatei akha eina ngatha̱sa’ da kahāng eina ana, ‘Iwui yāmgui mamimara’ jihaowa.”

CHĀNSAM 1:19

Sāshāt eina katong samkaphang mi saikorawui apong hithai; akhavāpāwui mirin khuithuimihaowa.

HĀSHOKME 4:8

khipākha makhangavā mi akha, anaomayarala, achināla makhalei, kha ngalang zārshon zārthaida ngasāmkakhui makhavai, kala kashāng chi amikna yanglaga shaphaira kaji makhangavā china “Ina khipāwui vang ngalang zārzatta I khalatta maringphakhui kajikhala?” da akhalatta mangahānlakmana. Hila aremana, kala maringkaphā otsak akhana.

ISAIAH 7:12

Kha Ahazna, “Ina machutkakhui mapomara, kala ina Proholi chāng tamkhayang masāmara” da ngahānkai.

HABAKKUK 2:5

Chili lāngda zam hiya kakapikana; langkaso mi chi maringmara. Awui kākharām chi Kathewui ram rikha mashai; kathe thāda ana kashap mavaimana. Ana yur saikora awui vang kazipkhui, kala mi saikora awui thāda rutkhui.”

JOHN 16:24

Aja eina tangda nathumna iwui ming singda mapolakranga; polu, samphangra, chi eina nathumwui ringkaphā kāshungra.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

JAMES 5:6

Angalang makhalei mili nathumna yonngasakta shaothathaira, ana nathumli mangasungmana.

1 JOHN 3:15

Achināli yangkakharinga a chiya mi khayumana kala mi khayumabingli kharing kaho chi maleimana da nathumna thei.