JAMES 4:10 - Kathara Bible (BSI)

¹⁰ Prohowui mangāli malungnimlu chithākha ana nathumli reingasakra.

JAMES 4:10 Iomraidhean Croise

2 THOTRINCHĀN 7:14

iwui ming eina hokhui kahaiya iwui mibingna athum khalatta hamsangakha, kala seihā sāda ili phaakha kala athumwui makhayā apongwui eina ili latungakha, ina kazingramwui eina shāmira, kala athumwui morei pheomida athumwui ngaleiwui kazāt raimira.

JOBWUI LAIRIK 22:29

Kaja Varena langkaso chili nemtā ngasaka, kha khangazana mi chili ana huimi.

JOBWUI LAIRIK 5:11

khangazanabingli ana reingasaka; kala chapkhangachā athumli tāphup kahaipamli khāngkai.

LAA 113:7

Chifawui eina ana kachāmabingli khāngkhui, kala hotlāpamwui eina khavātabingli khāngkhui,

LAA 147:6

Khangazanabingli Prohona khāngmathota; makaphā makhayābingli ana ngaleili hortai.

LAA 27:6

Ara ili kuinam kahai yangkashebingwuitungli ili mai kāngasakra; kala khamathān eina ngasoda awui kachonshimli ina pha̱kaphayā chigatra; Proholi nimshimri eina laa sāra.

LAA 28:9

Nawui miyurli huimida nawui shimluikatli somilu, nana athumwui yaokahoma sāmilu, kala athumli atam kachida phungzatmilu.

LAA 30:1

O Proho, ina nali masot mira, kaja ili khāngshokmihaowa, kala iwui yangkashebingli iwuitungli mamathān ngasakmana.

SHONGZĀ 10:3

Chieina Moses eina Aaronna Pharaohli vāda hānga, “Hebrewwui Proho Varena hithāda hānga, ‘Iwui mangāli nana karankha mahamsangngaimarakhala?’ Ili otram ngatha̱ khavai iwui mibingli chihohaolu.

CHĀNSAM 29:23

Langkasona ali maishi ngasakra, kha ningngai ngahuiri kahai mina maikhayā samphangra.

EZEKIEL 21:26

Proho VAREna hānga: Nawui kuitei kala wungkuihon khuihaolu; khalei chi maleichingmara; khangazanali sochikatra, khangamali nemngasakra.

MATTHEW 23:12

kachikathā reikhangaiya mi chili teongasakra, kala khalatta kateowana kaje chili reingasakra.

LUKE 1:52

Ana Pangshapa khamungabingli wungpamkhong eina khuishoka, kala khangazanbingli khāngkāmi;

LUKE 14:11

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

1 PETER 5:6

Chiwui vang eina nathum Varewui pāngthei kharei chiwui azingli hamsanglu, chithākha awui atam kachāli nathumli khāngchikatra.

1 SAMUEL 2:7

Prohona chām ngasaka kala shāng ngasaka, ana nemtā ngasaka, ana kajuila jui ngasaka.

1 SAMUEL 2:9

“Ningtongda shitkasangbingli ana mayonmira; kha makhayābingle tangkhamangli katatshokhaora; kaja, mina pangshap eina mayuimara.