JAMES 3:9 - Kathara Bible (BSI)

⁹ Male eina ithumwui Proho kala Avāva̱li sochikata kala Varewui sakrin khuilaga sākahai mikumolila khonshiya.

JAMES 3:9 Iomraidhean Croise

HAOKAPHOK 5:1

Hi Adamwui naothotbingwui lairikna. Varena mi sākakhui tharān, Varena awui sakrin khuida sai.

HAOKAPHOK 9:6

Kachikathāna mi akhali ashee tāngasakakha alila mina ashee tāngasakra, kachiwui vangkhala kaja mi hi Varewui sakrin khuida sākahaina.

2 SAMUEL 16:5

Awunga Davidna Bahurimli khavā tharan, Gerawui naomayara Shime-i kaho Saulwui shimkhurwui mi akha samphanga; ana rāda Davidli khonshi kazama.

2 SAMUEL 19:21

Zeruiahwui nao Abishaina, “Prohowui thao neomi kahaiyali khonkashiwui vang Shime-ili masāthatngayimala?” da hānga.

1 THOTRINCHĀN 29:10

Chiwui vang yarui saikorawui mangāli Davidna Proholi sochikatta hānga, “O Proho, ishāvā Israelwui Vare, katang mavaila namāngli sochikatchingranu.

1 THOTRINCHĀN 29:20

Chiwui thili Davidna saikora kazip chili hānga, “Nathumwui Proho Vareli solu.” Chieina athumna Proho Vareli masot chigatta khoruma kala awungalila khayākashi mi.

LAA 10:7

Akhamorli khonkashi, kakapik kala rekakharekna pema; awui maleli makaphā kasā kala khayonkhamāng mānga.

LAA 108:1

Ining khangachei maleimana, O Vare, iningli khangachei maleimana! Ina nimshimri laa sāra! Thuilu, imanglā!

LAA 145:1

Iwui Vare kala Awunga, Ina nali masot chikatra, kala namingli katang mavaila sochingra.

LAA 145:21

Proholi ina masochikatchingra; asā khavai saikorana awui katharamingli mashimānda sochingranu.

LAA 16:9

Chiwui vang eina ining ringphai, imanglāna mathāna; kala iphasāla ninganungkhung eina okthuiya.

LAA 30:12

Chieina imanglā kasaikha mapamla nali sochikatra. O Proho, iwui Vare, ina nali ningshichingra.

LAA 34:1

Atam kachida ina Proholi sochikatra; ikhamorli awui masot kachigat leichingra.

LAA 35:28

Chieina nawui khamashung khangarong pongli imalena hāngra, kala langpongda masochikatra.

LAA 51:14

O Vare, ashee eina khangui kasāwui eina ili kanshokmilu, ili huikhame Vare, kala imalena nawui ngatangkhamiwui laa pangda vaora.

LAA 57:8

Thuilu, imanglā! Thuilu, O sipa, tingteilā! Ina kazing kathangli mathotra!

LAA 59:12

Kaja athum khamorwui morei, athum morchaiwui tui, athumwui langsotli manranu. Kaja athumna kapikta khonkashiwui vang,

LAA 62:4

Awui khangampamwui eina ngakhuntā khavaimāng athumna ngarāna. Khangui otsakli athumna ringphai. Athumna khamor eina somi kha alungshong athumna khonshiya.

LAA 63:4

Chiwui vang ina ringlakha eina tangda nali sora; ina ipāng khāngkāda namingli ngakaora.

LAA 71:24

Langpongda imalena nawui khamashung ngachonkhami tui hāngra, kaja ili sāza̱ khavai kasā athumli nana maishi ngasakhaira.

HĀSHOKME 7:22

Nawuklungna thei kaja na khalattanala kateili tarākha shida khonshihaira.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

MATTHEW 26:74

Chiwui thili Peterna a khalatta khonshāt pokhuida shākhi sāda hānga, “Ina khamashung tui matui kala mingkazaina! Ina khamashung tui mamatuimana jiakha Varena ili tandi miranu, I mipā chili matheimana.” Chichang chili harvā khonguwa,

MATTHEW 5:44

Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu.

OTSAK 2:26

Chieina iwui ning ringphai kala imale khamathānna pemtinghai. Kala thikapai iphasāna chihansa̱ ngasāmkhuira,

ROMNAO 3:14

Athumwui tuimatuili kakhā khonshāt tuina pemtinghai.

1 CORINTHNAO 11:7

Mayarnaova makuirunmana kaja ava Varewui amahā kala tekhamatei china, kha sha̱naova mayarnaowui tekhamateina.

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.

JAMES 3:10

Khamor akhawui eina masotkhamila, khonkashila shoka. Ivānaobing chikathā chi mashok ngasakphalungmara.

1 PETER 1:3

Ithumna Proho Jishu Khristawui Avāva̱ Vare chili ningkashi misa! Khikhalajila Jishu Khristali kathiwui eina ringlui khangasak mangā eina ithumli awui hakkhamahā leikashiwui alungli mirin kadhar mihaira. China ithumli kharing kachihān chipemmi.

WUNGVA̱-WUNGVĀ 9:27

Kala athumna luili drakhāthei aphākhuida surlaga morsonga, khorumshimlila akhorumlaga phāshak-phazāda Abimelechwuitungli manganākhangai tui kachungkha matui.