JAMES 3:3 - Kathara Bible (BSI)

³ Siguili ithumwui kahāng nganā khavai akhamorli yāchan sangmilaga ithumna vāngasakkhangai apamli vāngasaka.

JAMES 3:3 Iomraidhean Croise

2 WUNGNAOBING 19:28

Khikhalajila nana ili makhamayā malungkhavāt, kala nawui langkaso ikhanāli rāshunghaida; Ina nali nārenkhuira, kala nakhamor khalaplaga nana rākhavai shongfa chieina latunglui ngasakra.”

JOBWUI LAIRIK 41:13

Awui kachon khamato khipāna raimishaprakhala? Awui phahon khangapho chili khipāna ngataiphupsangshapkhala?

LAA 32:9

Theithangkhamei makhalei sigui kala gadhā kathā mangasālu; athumle nārenra khalapmiphalungra maningkha nali mangayurzatmara.

LAA 39:1

“Yangkashebing leilakha eina tangda, iwui shongfa ngasharlak eina zatra, iwui malena morei masā khavai ikhamor kafara” da ina hānga.

ISAIAH 37:29

Kaja nana ili malungvāta, nawui langkaso ikhanāli rāshunghaoda, iwui narenra̱ nanātangli sangmira, iwui yāchan nakhamorli sangmira; kala nana rākhavai apong chi tākam eina hanungra.”

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.

JAMES 3:4

Jahaslila yanglu, chiyākha kahaka ot kaphung chi masimāngna phanzatshaplala kahuiya mipā china huikhavai kateowa akapnao chieina vāngasakkhangai apamli vāngasakshapa.