JAMES 3:15 - Kathara Bible (BSI)

¹⁵ Chikathā thangkhamei chi kazingramwui eina kharā maningmana, okathuiwui eina kharāna; kaja manglā makazang kala chipeewui otsakna.

JAMES 3:15 Iomraidhean Croise

2 SAMUEL 13:3

Kha Ammonwui ngasotnao akha leisai; awui ming Jonadab hoi, a Davidwui agato Shime-ahwui naona, kala aworkathem mi akhana.

2 SAMUEL 15:31

“Ahithophel Absalomwui rairuili zanghaira” da Davidli ahānga. Davidna seihā sāda hānga, “O Proho ina nali seihā sali, Ahithophelwui hāngkachithathei mangkhama̱wui tui kathā ngasāmihaolu.”

2 SAMUEL 16:23

Atam chitharan Ahithophelwui tui, mi akhana Vareli ngasanlaga khamatui thāda David eina Absalomnala saklak eina khuisai.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

LUKE 16:8

“Akhavā china ningmakathar lansinawui arah kathem chiwui vang soi kaja okathui hiwui mibingna athumwui thotliva kahorwui naobingli thangmeimeikhara.”

JOHN 3:17

Okathuili bichar sākhavai Varena Anaomayarali chihokharā maningmana, kha awui mangā eina apuk-apaga hi huikhui khavaina.

JOHN 8:44

Nathum nathumwui avāva̱ chipee chiwuina, chieina nawui sākhangaiva nathumwui avāwui ningkachāng kasā china. Haokaphokwui eina a mi khayumana, kala khamashung ot masālakmana, kaja awuili khamashung maleimana. Kakapik hi awui khangachāna, kaja a kakapikana kala kakapik saikorawui avāva̱na.

OTSAK 13:10

“Chipeewui naotun, khamashung saikorawui yangkashe, nava kachipat eina makaphāwui marei-marā kathemana. Prohowui khamashung shongfa mashongachei ngasakchingrala?

ROMNAO 1:22

Athumna thangkhamana da hāngmāngmada mangkhama̱ ngasāhaowa,

1 CORINTHNAO 1:27

Kha thangkhameibing khayak khavai okathuina mangkhama̱na da kakhuibingli kala pangshap khaleibing khayak khavai okathuina ngazana da kakhuibingli Varena rinsit eina kapangkhui.

1 CORINTHNAO 2:14

Manglā makazanga mi china Varewui lemmet khamimi chi makhuirarmana; chikathā mi chi theishingkakhuila maleimana kala chi awui vanga kakhalat makhalei thāhaowa, kaja chiwui aman kasak chi manglārinwui pheisin eina theiki kajina.

1 CORINTHNAO 3:19

Kaja okathui hiwui thangkhamei hiya Varewui mangāli mangkhama̱na. Hithada kapihaili, “Thangkhameibingwui awor kasā chi Varena paisor eina tukkhuishapa.”

1 CORINTHNAO 3:3

Khikhalajila arui eina tangda okathuiwui mi thada okthuida lei. Nathum akha eina akha mikpaishida kharar ngaroka, chithākha okathuiwui khangachā sāchingda lei kaji chi hieina matheikhuipaimalā?

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

2 CORINTHNAO 11:3

Kha phara̱wui mareimarāna Eveli mikhanam chithada, Khristali nathumwui khamashung kala kathar eina kachigat ning chi makhaohaipaishina da ngacheelaka.

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

2 THESSALONICANAO 2:9

Makaphā-Makhayā china Satanwui pangshap eina shokta mina masākharar makhamashung kala matakhak kahai ot kachungkha sāchitheira,

1 TIMOTHY 4:1

Manglā Katharana tharlak eina hānghaira, kaja naoda mi kaikhana mikhanama manglā kala kameobingwui sha̱tui nganāda shitkasangwui eina thuihaora.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

JUDE 1:19

Hikathā mibing hiya phasāwui otli ningkachāngna pemkahaiya kala tui kakaili akachanga kasā mibingna. Athumwuili Manglāwui otsak maleimana.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 2:24

Kha Thyatirali khalei kateibing, tamkachithei chi makakhuiabing, kaikhana Satanwui kathuka otbing da kaho chi matheithangkhamabing, nathumli ina kahāngna, nathumwuitungli ina otphun khangatei machiphunmara.

PHONGKHAMI 9:11

Athumwuitungli awunga akha lei, chi makatang leizingkhurwui kazingraona, awui ming Hebrew tuili Abaddon hoi, Greek tuili Apollyon (Kakhalatna “Sākakhaiya”) hoi.