JAMES 3:10 - Kathara Bible (BSI)

¹⁰ Khamor akhawui eina masotkhamila, khonkashila shoka. Ivānaobing chikathā chi mashok ngasakphalungmara.

JAMES 3:10 Iomraidhean Croise

HAOKAPHOK 20:9

Chieina Abimelechna Abrahamli hokhuida hānga, “Nana ithumli khi kasākhala? Ina nali khi morei sāhaoda nana ili kala iwui wungramli hakkhamahā morei phungrākhamikhala? Masākhangayi ot chi nana sāhaira.”

2 SAMUEL 13:12

Ana ngahānkai, “Ngga, ipa! Ili namda masālu, kaja Israelwui alungli hikathā mashoklakrangli; maphākakhui mangkhama̱ otsak masālu.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

ROMNAO 12:14

Nathumli rekakharekbingli somi khavai Vareli pomilu, mha, makhonshila somi khavai pomilu.

1 CORINTHNAO 3:3

Khikhalajila arui eina tangda okathuiwui mi thada okthuida lei. Nathum akha eina akha mikpaishida kharar ngaroka, chithākha okathuiwui khangachā sāchingda lei kaji chi hieina matheikhuipaimalā?

1 TIMOTHY 5:13

Kala athumna shim shimli zangzatta ngachāng makakā tamkhui, kha chili zakshikhameiva khipālikha matheimila morsāpta mamatuikhangayi tui matuiphāphāhaowa.

JAMES 1:16

Leikashe ivānaongarā, maminam ngasaklu.

JAMES 1:19

Leikashe ivānaongarā, hi theilu. Mi kachiva̱na nganākakhuili thākranu, kha khamatui eina malungkhavātli ngaironhairanu kaji hi phaningunglu.

JAMES 3:1

Ivānaobing, nathum kachungana ojā mangasaaranu, khikhalajila nathumna thei kaja tamkachitheia ithumli sakmeida bichar sāra.

JAMES 3:11

Ura̱ok akhawui eina kashima eina kakhā tara̱ shokthathuipaila?

JAMES 3:9

Male eina ithumwui Proho kala Avāva̱li sochikata kala Varewui sakrin khuilaga sākahai mikumolila khonshiya.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.