JAMES 2:8 - Kathara Bible (BSI)

⁸ Kathara Iairikli kapi kahai, “Nawui khongnainaoli nakhalatta leikashi thada leishilu” kaji wungnaowui ain hi nathumna kachangkhat ungshung ngasakta leiakha nathumna khamashung ot kasāna.

JAMES 2:8 Iomraidhean Croise

1 WUNGNAOBING 8:18

kha Prohona ishāvā Davidli hānga, ‘Iwui vang nana shim akha sākhuira da kaphaning chi phālaka;

2 WUNGNAOBING 7:9

Chiwui thili athum akha eina akha hāngngaroka, “Ithumna kasā hi mamashungthura. Aja hi ringkaphā chānpao samkaphangwui zimikshona; ithumna kasaikha pamda kazing kathang eina tangda ngaraipamakha ithumwuitungli tandi tāhaora; chiwui vang eina ralu ithumna awungashiwui shimkhurli ahānghaosa.”

PĀNGMONSHI 19:18

Nathumna athut makhuipaimana, lah ram khalattawui naobingli mayuishi ngarokpaimana, kha nakhalatta leikashi chithāda nawui khongnainaoli leishilu; I Prohona.

PĀNGMONSHI 19:34

Nathumli ngasokazata a chi nathum kathāna da phaninglu, kala nakhalatta leikashi thāda alila leishilu; kaja nathumla Egypt ngaleili kha̱mi sāda leisai: I Proho nathumwui Varena.

JONAH 4:4

Prohona hānga, “Na malungvāt khavai mashun leila?”

JONAH 4:9

Kha Varena Jonahli hānga, “Nana arong chiwui vang malungvāt khavai mashun leila?” Ana ngahānkai, “Ina vātngayilaka, vātnahaida kathila thingai.”

MATTHEW 22:39

Kakhane khamataiya ningkhamiva, “Nawui khongnainaobingli na khalatta leikashi thada leishiphalungra.

MATTHEW 25:21

Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’

MATTHEW 25:23

Awui akhavā china hānga, ‘Phālakhaira, kaphā kala shitsang kapaiya rao! Nana kateowa ot hi ningtongda kasawui vang nali chungkhameiwuitungli akhavā sāngasakra. Nawui akhavāwui khamathānli zanglu.’

MATTHEW 7:12

“Chiwui vang eina nathumwui ningkachachāng chi mibingli sāmi ngasakhangai thada nathumnala athumli sāmilu; khikhalajila hi ain eina marāntuina.

ROMNAO 13:10

Leikashe china khongnainaoli khayon masālakmara. Chiwui vang eina leikashi hina ain hi ungshung ngasaka.

GALATIANAO 5:14

kaja “Khongnainaoli na khalatta leikashi thada leishilu” kaji ningkhami hili ain saikora kharupserhaira.

GALATIANAO 6:2

Akhana akhawui khangazanli ngachonmi ngaroklu, chithākha nathum Khristawui kakaso khanganāna.

PHILIPPINAO 4:14

Iwui kakhanangli nathumna phungkharum hi nathum ning kālaka.

1 THESSALONICANAO 4:9

Shitkasang khangaruma avānaobingli leishilu kajiwui pongli nathumli kapiluishit kaji darkar masāmana. Nathum khalatta akha eina akha kathada leishi ngarokrakhala kaji chi Varena nathumli tamchitheihaira.

JAMES 1:25

Kha kachikathāna kākashung kala ningkhān khangasaka ainli saklak eina singda mayontitakha kala kashāmāng maningla otsak eina ngasoda saakha awui kasāsāli Varena somira.

JAMES 2:12

Ningkhān khangasaka ainwui azingli bichar sāki kaji mi thada matuilu kala ot sālu.

JAMES 2:19

Vare hi akhamānga da nathumna shitsanga. Chi phālakhaira. Chipeela chithada shitsanga kala ngacheelaka.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.