JAMES 2:25 - Kathara Bible (BSI)

²⁵ Chithada sāda khayorva̱ Rahablila Jehudiwui rairui kazatbingli rāzang ngasaklaga shongfa khangatei eina shiunkhamiwui vang awui otsak eina mamashungkhui ngasakmala?

JAMES 2:25 Iomraidhean Croise

MATTHEW 1:5

Salmon preiva̱ Rahabna Boazli, Boaz preiva̱ Rutna Obedli, Obedna Jesseli pharai.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

OTSAK 17:7

kala Jasonna athumli awui shimli zunngasaka, kala athumna Caesarwui hukhum sākhailaga Jishu kaho awunga khangatei lei da hānga.”

HEBREWNAO 11:31

Shitkasang mangā eina khayorva̱ Rahabna Vareli ngakai kashebingli ngasoda kathili mazangmana, kaja ana rairui kazata khanili zunkhui ngasaka.

JAMES 2:18

Kachikathā mina “Nawui shitkasang lei kala iwui otsak lei” da hāngra. Ots maleila nawui shitkasang ili chitheilu, ina iwui shitkasang otsak eina nali chitheira.

JAMES 2:22

Awui shitkasang eina otsak ngaruma, kala shitkasang chi otsakna kāshung ngasaka da nathumna thei.

JAMES 2:24

Nathumna thei kaja shitkasangmāng eina maningla otsak eina mili mashung ngasaka.

JOSHUA 2:1

Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

JOSHUA 2:15

Chiwui thili ana anili khara̱ eina charfali chihotāhaowa, kaja ana kapam shim chi keinung phākholi sāshānda kapam shimna.

JOSHUA 2:16

Kala ana anili hānga, “Kaphungli kaulu maningkha kakharomabing chi samphangpaishina kala athum malatungranglakha eina tangda zimiksho kathumthang chili ngathumpamlu; chiwui thili nathumwui shong unghaolu.”

JOSHUA 2:4

Kha sha̱nao china mi khani chi thumhaida hānga, “Mashunga, mibing iwuili rai; kha athum kaji eina kharākhala da ina matheimana;

JOSHUA 2:6

Kha ana anile shimtungli khuikāhairasai, kala ana anili tāwon akung eina masankazazakhamhai.

JOSHUA 6:17

Keinung kala chiwui alungli ot khalei saikora sakazam khavaiwui vang Prohowui mingli chigathaora; khayorva̱ Rahab eina awui shimli leikasā mibingmang khākmara, kaja ithumna kachiho mi khanili ana thumiya.