JAMES 2:18 - Kathara Bible (BSI)

¹⁸ Kachikathā mina “Nawui shitkasang lei kala iwui otsak lei” da hāngra. Ots maleila nawui shitkasang ili chitheilu, ina iwui shitkasang otsak eina nali chitheira.

JAMES 2:18 Iomraidhean Croise

ROMNAO 14:23

Ningmaongda zākasang chi khayonna, kaja shitkasang eina kasā maningmana. Shitkasangwui eina makashok otsak ayāyāva̱ moreina.

ROMNAO 3:28

Kachiwui vangkhala kaja mi akhali mashungkhami hi ain khamayon eina maningla shitkasangwui vangna kaji ithumna thei.

ROMNAO 4:6

Hithada sāda otsakwui vang maningla khamashungana da Varena khuisangmi kahaia mi chiwui sokhamiwui pongli Davidna kahāng chi hina:

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 9:19

Chithākha nathum akhana ili hāngra, “Khisāda Varena mikumoli khayon phenkhala? Khipāna awui kaphaning khāmshaprakhala?”

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

TITUS 2:7

Apong saikorali na khalatta acham-aram kaphāwui ngayoyan sāphalungra. Nawui tamkachitheili ningkathar kala ningkasang eina sālu.

HEBREWNAO 11:31

Shitkasang mangā eina khayorva̱ Rahabna Vareli ngakai kashebingli ngasoda kathili mazangmana, kaja ana rairui kazata khanili zunkhui ngasaka.

HEBREWNAO 11:33

Shitkasang mangā eina athumna khangarar apam kachida wungram yuikhuiya, mashun sāngasaka, ngashitmi kahai samphanga, kazingkha̱ khamor khalapmi,

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

JAMES 2:14

Ivānaongarā, mi akhana “I shitsanga” da hānglala ot kasā maleiakha china khi tongzākhala? Shitkasang china huimishapralā?

JAMES 3:13

Nathumwui ngachaili thangkhamei kala theishingkakhui khipā leikhala? Thangkhameiwui khangahuilungli ana awui kaphā mirin chi awui otsak eina chitheiranu.