JAMES 2:15 - Kathara Bible (BSI)

¹⁵ Avānao akha lah azarva̱ akha kashankachon simasailak eina ngavailaga, thangthangwui zākhavaila masamphangla leida

JAMES 2:15 Iomraidhean Croise

ISAIAH 58:10

kathai miwui vang nakhalattana heishokmiakha, kala kakhanangawui ningkachāng chi ningyāng ungmiakha, tangkhamang lungli nawui kahor shokra, kala nawui ningkachot ngashunshong thāhaora.

ISAIAH 58:7

Kathaia mili nawui zāt ngayarmi khavai, shim makhalei kachāmali nawui shimli hokhaung; khamahongali kathei tharan, ali farormi khavai, kala nawui athei-asāwui eina nakhalatta mangathum khavai maningmala?”

EZEKIEL 18:7

khipālikha marekharekla, kha kashuka mili awui hamkahai chi tāchamda hankhame, miwui ot makhale, kathai kacham mili mikazā, khamasai eina kazat mili kashankachon ngavaikhame,

MARK 14:7

Kaja kachāmbingva nathumli ngasopamchingra kala nathumna samikhangai tharan athumli kaphā samipai; kha iva nathumli mangasopamluimara.

LUKE 3:11

Ana athumli ngahānkai, “Phahon khani khaleia mi china akhala makhaleia mipā chili ngayarmilu; kala kashakazā khaleia chinala makhaleia chili chithada miranu.”

OTSAK 9:29

Greek khamatuia Jihudinaobinglila hāngchithei kala khangaphatla ngaphata, kha athumna ali sāthat khavai sai.

HEBREWNAO 11:37

Athumli ngalung eina horthata, ngahunpattala hātkhai, raikhai einala yorthata. Athumna mehui, yaohui ngahonda okthui kala kachām-khangai rekakharek mirin kala kachotkachāng phunga.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 JOHN 3:17

Kachikathā mi akhana avānao akhawui khavāt thatheilaga malumashanngaiakha, ana Vareli leishiya da kathada hāngpairakhala?