JAMES 2:14 - Kathara Bible (BSI)

¹⁴ Ivānaongarā, mi akhana “I shitsanga” da hānglala ot kasā maleiakha china khi tongzākhala? Shitkasang china huimishapralā?

JAMES 2:14 Iomraidhean Croise

JEREMIAH 7:8

“Yanglu, nathumna aremali kakapik tuili shitsanga.

MATTHEW 5:20

Kaja ina nathumli kahāngna, kaja ain kathema eina Phariseebingli nathumna mamashungmeirarakha kachilikha nathum kazing wungramli mazangrarmara.

LUKE 3:11

Ana athumli ngahānkai, “Phahon khani khaleia mi china akhala makhaleia mipā chili ngayarmilu; kala kashakazā khaleia chinala makhaleia chili chithada miranu.”

LUKE 6:49

Kha shālaga makasā mi chiya ngalei machuizangla ngaleitungli shimphunga heihailaga sākakā kathāna. Tara̱ phongda ungpharkaza̱ tharan ngalāngda ja̱phup tāhaowa kala shim chiwui kashimān chi hakmahālaka.”

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 8:13

Simonnala shitsanghaoda alila ra̱hikmi. Kala ra̱hikmi kahaiwui thili Philipli ngasozatchinga kala matakhak kahai kala machut tarākha kasā chi theilaga matakhakhai.

OTSAK 8:21

Hiwui ot hili nawui yar mazangmana; kaja Varewui miktāli kaphaning mamashungmana.

ROMNAO 2:25

Nana ain mayonakha ahui rimkashokwui kankhanā lei, kha ain sākhaida leiakha ahui rimkashokna khikha kankhanā maleimana.

1 CORINTHNAO 15:2

Ina nathumli hāshok kahai paokaphā chili shitsangtitakha china nathumli huimira. Chi maningsi kaja nathumwui shitkasang chi aremana.

1 CORINTHNAO 16:22

Proholi maleikashe mi khonkashi ngasāranu! Ithumwui Proho rāmilu!

GALATIANAO 5:13

Ivānaongarā, nathumlila ningkhān khavai hokhuihaira. Kha ningkhān hina nathum phasāwui ningkachāngwui khutlai sāda nathumli mamung ngasakalu. Kha leishida akha eina akha ngachon ngaroklu,

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

TITUS 1:16

Athumna Vareli thei da hānga, kha athumwui otsakva chili mamayāmana. Athum hiya kaphā ot sākhavai matik makachā, yangkharingkapai kala kahāng makhanganābingna.

TITUS 3:8

Hi khamashunga chānsamna; Ina nali hiwui pongli saklak eina hāng ngasakngai. Chithākha Vareli shitkasangabingna kaphā ot kasāli chekchinmeira kala hikathā hi mibingwui vang phai kala kānnai.

HEBREWNAO 11:17

Chāng khayang tharan shitkasang mangā eina Abrahamna Isaacli pha̱phayā khavai chigata kala ngashit kahai samkaphanga a china akhamāng kaje anaomayarali chigatkida mangangmana.

HEBREWNAO 13:9

Ngateihahang kahai tamkachithei china nathumli mangui ngasakalu. Varewui lukhamashan eina ithumwui manglā pangkhangasak phālaka, kha kashakazā khangalang eina maningmana. Hikatha ain khamayonabingli china khikha ngachonkhami maleimana.

JAMES 1:16

Leikashe ivānaongarā, maminam ngasaklu.

JAMES 2:16

nathumwui ngachaili akhana “Chingri eina ungulu, lumturhairanu, kathola thotinghairanu” da hānglaga awui khavātwui vang khikha mamiakha chi kahāngwui tongkazā khi leikhalā?

JAMES 2:18

Kachikathā mina “Nawui shitkasang lei kala iwui otsak lei” da hāngra. Ots maleila nawui shitkasang ili chitheilu, ina iwui shitkasang otsak eina nali chitheira.

JAMES 2:26

Manglā mazangakha pha̱sāmāng kathina, otsak mazangakha shitkasangmāng kathina.

2 PETER 1:5

Hiwui vang eina nathumwui shitkasangli khamathā, khamathāli awor,