JAMES 1:25 - Kathara Bible (BSI)

²⁵ Kha kachikathāna kākashung kala ningkhān khangasaka ainli saklak eina singda mayontitakha kala kashāmāng maningla otsak eina ngasoda saakha awui kasāsāli Varena somira.

JAMES 1:25 Iomraidhean Croise

LAA 106:3

Mashun khamayonabing sokhami ngasāra, atam kachida khamashung khangarong ot kasā athum chi!

LAA 119:32

Nawui ningkhami athishurda Ina ngasamzatra, iwui theikakhui nana mataisangkhami tharan.

LAA 119:45

kaja nawui chitheikhami ina khamayonwui vang, ina ningkhān eina yaothuizatra,

CHĀNSAM 14:15

Ningkashambingna saikora shitsanga, kha shingā kathei mina kachishong vāra̱khala kaji yanga.

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

LUKE 11:28

Kha Jishuna ngahānkai, “Varewui tui nganākhuida chi khamayonbing sokhami ngasāranu.”

JOHN 13:17

Ara khamashung hi nathum theihaira; nathumna hiwui athishurda saakha kayākha ringkaphā ngasārakhala!

JOHN 8:36

Chieina Anaomayarana nathumli ningkhān ngasakakha, nathum ningkhān kachangkhathaira,

OTSAK 13:43

Synagoguewui kazip ngathān kahaiwui thili Jihudi kachungkha kala Jihudi dharma khuisang kahaia Gentilebing kachungkhala aniwui thi shurrai. Anina athumli Varewui lukhamashanlungli leiching khavai katomda tamchithei.

OTSAK 2:42

Athumna paokazatbingwui tamkachitheilila, ngarumsakla, kala khamui shaikhangarum eina seihā kasālila ningtumlak eina sakruma.

OTSAK 26:22

Kha aja rāshungda ina Varewui khangachon samphanga. Chieina ina hili nganingda kharei kateo makhaila shākhi hi khamina. Marānbing eina Mosesna shokrada hāngkahai chili henda ina khikha mahāngmana.

ROMNAO 11:22

Hili Vare hiya kayākha lumashankatha kala sākashekhala kaji ithumna thei, chiya konglui kahaibingli sāshilaka, kha nathumna awui lukhamashanli ngasāmakha lumashanmi; chi mathaakha nathumlila katathaora.

ROMNAO 2:13

kachiwui vangkhala kaja ain shāhaira kajiwui vang Varewui mangāli mashunghaira kaji maningmana, kha ainwui athishurda kasābing chili mashungkhamina.

ROMNAO 7:12

Chiwui vang eina ain khalattava tharra, kala ningkhami hi tharra, mashungna kala phai.

ROMNAO 8:15

Kaja Varena mikahai Manglā china nathumli rao masāngasakmana kala mangachee ngasakmana; kha Varewui naongarā sāngasaka kala Manglā chiwui pangshap eina ithumna Vareli “Abba” Ishava! da khangakaona.

ROMNAO 8:2

Kaja Khrista Jishuwui lungli ithumli kharing khame Manglāwui ain china moreiwui kala kathiwui eina ili ningkhān ngasakhaira.

1 CORINTHNAO 15:58

Chiwui vang eina leikashe ivānaobing, nganingtitlu. Nana Proholi otram khangatha̱ hi arema mangasāmara kaji theida otram khangatha̱li marekta sāchinglu.

2 CORINTHNAO 13:5

Nathum shitsangtita leichinglā kaji nathum khalatta chāng yanglu kala machukkhuilu. Nathumna chāng khayang chili mangasungkharar maningakha Khrista nathumwuili lei da matheimala?

GALATIANAO 2:4

Ithumna Jishu Khristali khangashikwui eina ningkhān samphang kahaiwui apongli ngathum sāda rāra̱yangkhui khavai mi kaikhana shitkasang khangarumbingna da sāreklaga ithumwui kānglupli rāngathisanga. Athumna ithumli makaphā rao salui ngasakngaiya.

GALATIANAO 5:1

Ithum ningkhānhaira— Khristana ithumli chihomihaira! Chieina ningkhān kahai mibing mara̱sa̱sa̱da nganingtitlu, laga na khalatta raonao mangasaluilu.

GALATIANAO 6:2

Akhana akhawui khangazanli ngachonmi ngaroklu, chithākha nathum Khristawui kakaso khanganāna.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

1 TIMOTHY 2:15

Chithālala ana ningmazingda shitkasangli, leikashili kala tharkhamathengli poktitakha nao kapharāwui vang ali huimira.

1 TIMOTHY 4:16

Na khalattala kala nawui tamkachitheilila ning ngasharlu, mamalaialu, chithākha nawui tui khanganābingla huikhuira.

HEBREWNAO 12:15

Varewui lukhamashanwui eina khipākha mangareithui khavai ngasharlu, khipākha kakhā thing kaphor thada chiwui hu eina yaruili makhonzār ngasakalu.

JAMES 2:12

Ningkhān khangasaka ainwui azingli bichar sāki kaji mi thada matuilu kala ot sālu.

1 PETER 2:16

Ningkhān kahaia mibing thada okthuilu, chithālala nathumwui ningkhān kasā chi makaphā-makhayāwui vang masā ngasakalu. Kha Varewui raobing thada okthuilu.

1 JOHN 2:24

Haokaphokwui eina shākahai chi nathumwuili leichingranu. Haokaphokwui eina shākahai chi nathumli leichingakha, nathumla Anaomayara eina Avāva̱li ngasoda okthuirumchinga.

PHONGKHAMI 14:13

Chili lāngda, kazingramwui eina akhon akhana kahāng ina shai; “Hi kapikhuilu, aja eina thuida Prohowui vang eina thikahaibing sokhami ngasāranu,” “Sokhami ngasākachangkhatranu, kaja athum kachotkachāngwui eina ngasāmkhuipaira; athumwui khamathā otsak chi athumli ngasozatta lei,” da Manglāna hānga.

PHONGKHAMI 22:14

Kashankachon tharzā eina ngasa̱kahaibing sokhami ngasāranu! Athumna kharinga thingrongwui athei chi shaipaira, kala keinungli ngavei chieina zangpaira.

1 SAMUEL 12:14

Nathumna Proholi khangachee eina otram ngatha̱da awui kahāng nganaakha kala Prohowui ningkhamili mangakaishiakha; kala nathumla, nathumli khamunga awungala, nathum Varewui thi shurakha, phālakra;