JAMES 1:22 - Kathara Bible (BSI)

²² Nakhalatta machipat khavai kashāmang eina mavaila chiwui athishurda otla sālu.

JAMES 1:22 Iomraidhean Croise

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

OBADIAH 1:3

Nawui ning lāngkasona na khalattali chipathaira, lungkai kajui ngachaili pamda, “Ili khipāna ngakhuntāshaprakhala?” da nakhalatta phaninga.

MATTHEW 12:50

Kaja kazingramli khalei iwui Avāwui kaphaning kasaa chi igatona, izarva̱na kala ishava̱na.”

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

LUKE 11:28

Kha Jishuna ngahānkai, “Varewui tui nganākhuida chi khamayonbing sokhami ngasāranu.”

JOHN 13:17

Ara khamashung hi nathum theihaira; nathumna hiwui athishurda saakha kayākha ringkaphā ngasārakhala!

ROMNAO 2:13

kachiwui vangkhala kaja ain shāhaira kajiwui vang Varewui mangāli mashunghaira kaji maningmana, kha ainwui athishurda kasābing chili mashungkhamina.

1 CORINTHNAO 15:33

Maminam ngasakalu, “Makaphā ngasotnaona kaphā mili shimān ngasaka.”

1 CORINTHNAO 3:18

Khipakha kachichā khalatta machipataranu, nathumwui ngachaili kachikathāna thot hiwui thangkhameina da phaningakha, thangmeikachangkhat khavai a mangkhama̱ ngasāranu.

1 CORINTHNAO 6:9

Makaphā-makhayābingna Vare wungramli mazangmara da nathum matheimalā? Matheinguihaialu, shāmkasābing, ama̱li kapha̱bing, phokaphābing, mayarnao eina mayarnao, sha̱nao eina sha̱nao phasā khangasobing,

GALATIANAO 6:3

Kachikathā mi akhana ava khikha maninglaga khikha akhana da phaningakha ā khalatta kachipatna.

GALATIANAO 6:7

Khalatta machipatalu. Vareli mangashansāpaimana. Kachichāna khayao chi kachichāna hātra.

PHILIPPINAO 4:8

Naomeikapta, ivānaobing, khamathā masot samphangkhangayi, khamashung, ningkahak, mashun, kathar, khamathā kala khayakakā hikathā hi nathumwui ningli shāptithailu.

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

2 TIMOTHY 3:13

Makaphā kala sākharekbing chi zakshikhangai zakshimamānra, kateili chipatra, athum khalattala chipatra.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 4:17

Kaphā sāki kaji thatheilaga makasā chi moreina.

2 PETER 2:13

Kala athumna khanang ngasak kahai thada athumlila khanang ngasakra. Ngashun langpongda phasāwui ringkaphā samphang khavai kasā chi athumwui kapena. Sākharekli ringphāshonshon kaje athum hikathāli phāshak phazā khangarumwui maikashi kala khayākhamalā samphang khavaina.

1 JOHN 1:8

Ithumna ithum morei maphungmana jiakha ithum khalatta mikhanamna, kala ithumwui alungli khamashung maleimana.

1 JOHN 2:3

Ithumna Varewui ningkhami nganākha ali ithumna thei da theishingkhui.

1 JOHN 3:7

Naoshinaobing, khipānakha nathumli maminamaranu, ana khangarong thada khamashung kasā mi chi khangarongana.

3 JOHN 1:11

Leikashe ngasotnao, makaphā masha̱alu, kha kaphā sha̱khuilu. Kaphā kasā chi Varewuina, kha makaphā ot kasāpā chi Vareli matheimana.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 22:7

“Yanglu, I thākta rāra. Phongkhami lairik hiwui tui khamayonabing sokhami ngasāranu,”