JAMES 1:21 - Kathara Bible (BSI)

²¹ Chiwui vang eina makathar kala makaphā-makhayā acham aram saikora chihohaida Vareli mayālu, kala nathumwui ningli lingsangmi kahai huimishapa tui chi malungkhanim eina khuisanglu.

JAMES 1:21 Iomraidhean Croise

LAA 25:9

Malung khanimali ana khamashung chili thānmi, kala khanimabingli awui apong tamchitheimi.

ISAIAH 2:20

Chithanghon athumna khorum khavai athum khalattana sākakhui lupāsāwui meoma̱, sināwui meoma̱bing chi, kafabing kala kongharbingli hormihaora;

ISAIAH 29:19

Malungkhanima china Prohowui khamathān samphangra; kala miwui ngachaili kachāmabingna Israelwui Kathara Ali mathānra.

ISAIAH 30:22

Chiwui thili lupāsa eina sākakhui meoma̱, kala sina eina sākakhui meoma̱bing chi sākhamānghaora, kala makathara ot thāda horyānghaora kala “Thuiulu!” da hāngra.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

EZEKIEL 36:25

Ina tara̱ khamathing nali kasirrorda nathumwui makhaokasā chi tharserhaora, meoma̱ phaningkasāwui eina ina tharmihaora.

ZEPHANIAH 2:3

Proholi phālu, ngalei hiwui malungkhanimbing, awui kahāng khanganābing; khamashung khangarong phālu, kala ngahuiri kahai phākhuilu; Prohowui malungkathui zimiksholi nathumli thummihaipai.

MATTHEW 5:5

Khanimabing chi sokhamina, khikhalajila athumna okathui chi mathunkhuira!

JOHN 6:63

Manglā china kharing chi khamina, asā hiya aremana; ina nathumli hāngkahai tui chi manglā kala kharingana.

JOHN 6:68

Simon Peterna ngahānkai, “Proho, ithum khipāwuili varakhala? Namāngli makashimān kharing tui chi lei.

OTSAK 10:33

Chiwui vang eina ina nawui pamli mi hengsāda chihovai, kala nana lumashanmida rāmi kahai hi phālakhaira; Prohona nali hāngmi ngasak khavai kaso kahai chi nganākhui khavai ithum saikora hili kakazipna.”

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

ROMNAO 11:17

Lingsang kahai oliverongwui aphāng tektāhaiakha khararwui oliverongwui aphāng khuilaga phonkhui. Gentile nathum chi khararwui Oliverong kathāna kala ara nathumna Jihudibingwui khamaling manglārin chi samphangrumda lei.

ROMNAO 6:17

Kha Vareli ningshi! Kaja nathum atam akhali moreiwui rao sāsālala ara nathumli mikahai tamkachitheiwui eina samkaphang khamashung chili nathumwui wuklung tongda mayāhaira.

1 CORINTHNAO 15:2

Ina nathumli hāshok kahai paokaphā chili shitsangtitakha china nathumli huimira. Chi maningsi kaja nathumwui shitkasang chi aremana.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

EPHESIANAO 1:13

Nathumli huikhami khuirākhami khamashungwui paokaphā chi nathumna kashā eina nathumla Varewui mibing ngasāhaowa. Nathumna Khristali shitkasangwui vang awuina da theikhavai ngashitmi kahai Manglā Kathara chi mida nathumwuitungli mahor namhaira.

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

EPHESIANAO 4:25

Chiwui vang eina, makapikluialu; mi kachiva̱na okthuikharumabingli mashun tui matuiphalungra, kaja ithum Khristawui phasākaisera.

EPHESIANAO 5:4

Lha shuikhangaruitui, mangma̱ttui kala khayākhamalātui hikathā hāngki kajiwui vanga Vareli ningshitha̱lu.

1 THESSALONICANAO 1:5

Kaja, paokaphā chi nathumli ithumna tuimāng eina khuikharā maningla kha Varewui pangshap kala Manglā Kathara kala chiwui khamashungwui theishingkakhui eina khuirai. Nathumli ngasopamda leilakha nathumwui vang phāmei khavai kathada pānrumsākhala kaji nathumna machutkhuihaira.

1 THESSALONICANAO 2:13

Khiwui vang eina ithumna atam kachida Vareli ningkashi khamikhala kajiwui apong khangateila lei. Ithumna nathumli Varewui paokaphā khuikharā tharan nathumna nganai kala miwui chānpao maningla Varewui chānpaolaka da kakhuila khuisanga. Kaja shitkasanga nathumwui alungli Varena ot sāda lei.

TITUS 2:11

Kaja mikumo saikorali huikhui khavai Varena awui lukhamashan chitheimihaira.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

HEBREWNAO 2:3

Hiyākha kahaka huikhami hili ithumna manganāsangla kathada yāmshokpairakhala? Khareli Prohona huikhami hi hāngmi. Kala kashābingna chi mashunga da shākhi mihaira.

HEBREWNAO 4:2

Kaja athumna kashā thada ithumla paokaphā chi shāhaira, shālala athumwui vang kānkhanā maleimana. Khiwui vangkhala kaja athumna kashā tharan shitkasang eina ngasoda makhuisangthuwa.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

JAMES 5:20

hi phaningunglu, kaja moreiwui khangui shongzāwui eina hanung khangasaka ana mipā chiwui manglā kathiwui eina kanmi kala morei kachungkha farormi ngasaka.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 1:9

Khikhalajila ali shitkasangwui kharin, manglāwui huikhami chi nathumna samphangda lei.

1 PETER 2:1

Chieina nathum khalatta makaphā-makhayā chi horhaolu. Makapikluialu, maphārekalu, mayuishialu kala kaphor tui mamatuialu.

1 PETER 2:11

Ngapha̱yang eina ngayinkazata leikashebing, ina nathumli ngakaoli. Manglāli rai ngararda khalei phasāwui khamathang chili mamayaalu.