JAMES 1:2 - Kathara Bible (BSI)

² Ivānaobing, chāng khayang yur saikora, nathumna samkaphang tharan ka̱lā khamahaina da shānkhuilu.

JAMES 1:2 Iomraidhean Croise

OTSAK 5:41

Jishu mingwui vang athumna kakhayak samkaphang chi khangayi otna da theikhamiwui vang mathānthup eina athumna hanga̱shim eina thuihaowa.

ROMNAO 5:3

Chili lāngda ithumna kachotkachānglila ringphai, khikhalajila ithumna thei kaja kachotkachāngwui eina khāngkathei shoka,

PHILIPPINAO 1:29

Khristali shitkasangmāng maningla kha awui vang kachotkachāng phungda otram ngatha̱ khavai nathumli atam kachā mihaira.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.

PHILIPPINAO 2:18

Chi tākam eina nathumla ringphāphalungra kala nathumwui khamathān chila ili chitheiphalungra.

COLOSSIANAO 1:24

Ara ina nathumwui vang kachotkachāng samkaphang hi ringphai, kaja Khristana awui phasā, kaja churchwui vang kachotkachāng maphungkhangakan chi kāpei khavai ina iwui phasāli kachotkachāng phungda khalei hina ngachonmida lei.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 1:16

Leikashe ivānaongarā, maminam ngasaklu.

JAMES 1:19

Leikashe ivānaongarā, hi theilu. Mi kachiva̱na nganākakhuili thākranu, kha khamatui eina malungkhavātli ngaironhairanu kaji hi phaningunglu.

JAMES 5:11

athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.