JAMES 1:19 - Kathara Bible (BSI)

¹⁹ Leikashe ivānaongarā, hi theilu. Mi kachiva̱na nganākakhuili thākranu, kha khamatui eina malungkhavātli ngaironhairanu kaji hi phaningunglu.

JAMES 1:19 Iomraidhean Croise

NEHEMIAH 8:18

Kala kharethang eina thuilaga khanaowathang eina tangda, ana thang-thang Varewui ain lairikwui eina pāchitheichinga. Athumna phanit shinithang mayona; kala kachishatathang, shiyan athishurda ningzaori kahai kazip kazipa.

NEHEMIAH 9:17

kahāngla manganāmana, kala nana athumli matakhak kahai ot sākachithei saikora chi athumna maphaningungmana; kha athumna ngakaishida Egyptli rao asalui khavai athum khalattawui kathāna phāsanga. Kha nava huimikhangaiya, lumashanmikhangai, malung mathuikazāra kala leikashi makhangacheina kapema Varena.

NEHEMIAH 9:3

Kachichāwui pamli nganingda athumwui Vare Prohowui ain lairik chi ngashun eina tangda pai; kala chiwui thili pung kathumwui vang athumna Proho Vareli hāngphatta khoruma.

JOBWUI LAIRIK 32:16

Athumna makhamatuiwui vang, ina ngaraifarala, kaja athumna chili nganinglaga mangahānkamana?

CHĀNSAM 10:19

Kachungkha matui kahai tharan, khalāngla mavātmana, kha mamatuiphāphā kaje mi thangkhamana.

CHĀNSAM 13:3

Khamorli khangarin mina awui mirin phārihai, morsham makhavai mi chi kashimānli zanga.

CHĀNSAM 14:17

Malungvatkazārana mangma̱sak eina sai, kha kashi kaphā kathei mina ngarina.

CHĀNSAM 14:29

Malung mavātkazāra mi chi theishingkakhui kahakva lei, kha malungvātkazārana maphākakhuili masot mi.

CHĀNSAM 15:18

Malung vātkazar mina nganang ngasaka, kha malung khanimna tuikashokli chingrihai ngasaka.

CHĀNSAM 15:2

Thangkhamawui malena awor ngayarmi, kha mangkhama̱wui khamor eina mangkhama̱ tui heishoka.

CHĀNSAM 16:32

Malung mathuikazar mi china pangshap khaleiali phāmei, khalatta ngarinkashapa china keinung khuikashapali kachangmei.

CHĀNSAM 17:14

Khanganang haokaphok hi tara̱ longshok khangasak kathāna, chieina makhararphokranglakha thāhaolu.

CHĀNSAM 17:27

Tui kathuma chi theithangkhamei lei, malungkhanima chi theishingkakhui mina.

CHĀNSAM 18:13

Mi akhana manganākhuiranglakha ngahankaakha, chi awui mangkhama̱ otsak kala khayā khamalāna.

CHĀNSAM 18:21

Kathi kala kharingla malewui pangshapli lei, chili leikashibingna chiwui athei kashai samphangra.

CHĀNSAM 19:11

Ning khamathāna mina malung mavātzarmana, kala miwui sākhangui yangkhumkhami chi awui khayākakāna.

CHĀNSAM 19:19

Malung thuikazara mina chiwui kashong runra; nana ali kanshokmiakha nana sāluipapamra.

CHĀNSAM 21:23

Maleli kala akhamorli khāmshapa china khalatta kakhanang masamphangmara.

CHĀNSAM 25:28

khalatta mangarinkathei mi hiya, keinungli sākhaizanglaga phākho maleila haikahai kathāna.

CHĀNSAM 29:20

Machukmajala totot matuikashoka mi katheila? Aliva mangkhama̱li kachihāna kachangmei.

MISHĀN 22:27

Gadha china Prohowui kazingrao chi kathei eina pamzanghaowa; kala Balaamna malungvāthaida gadhā chili awui lijei eina ngaphita.

MATTHEW 5:22

Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

MARK 12:37

Ali David khalattanala Proho hoi; hithaakha Khrista hi kathada Davidwui naomayarana jipaira?” Kala yarui ashangva china ringphalak eina nganakhui.

MARK 2:2

Chieina mi kachungkha rākazipta khamongphei eina tangda pamkhavai maleithuwa; kala Jishuna athumli pao hāshokpama.

LUKE 15:1

Ara khāshinā khalokbing eina morei kaphungbingna Jishuwui tui nganākida rāsera.

LUKE 19:48

Thālala apong akhala masamphangthuwa kaja mi saikorana awui tamkachithei chi ningsanglak eina nganāngaichinghaowa.

OTSAK 1:15

Chitharan Peterna avānaobingwui (athum mi shakha maga̱ sha̱kha ngasokapam chiwui) ngachaili nganingda hānga,

OTSAK 10:33

Chiwui vang eina ina nawui pamli mi hengsāda chihovai, kala nana lumashanmida rāmi kahai hi phālakhaira; Prohona nali hāngmi ngasak khavai kaso kahai chi nganākhui khavai ithum saikora hili kakazipna.”

OTSAK 13:48

Gentilebingna hi kashā tharan athum mathānlakhaoda Varewui tuili sochikata, kala katang makhavai kharing samphang khavai tharchisin kahai athum kachungkhana shitsanga.

OTSAK 17:11

Thessalonicawui mibingliva chiwui mibingna ning hakmeikhāra. Athumna chānpao chi ningsanglak eina nganai kala thangkachida Paulna kahāng chi kachangkhat mashungka mamashungmakhala kaji theikhavai kathara lairik chi pāchinga.

OTSAK 2:42

Athumna paokazatbingwui tamkachitheilila, ngarumsakla, kala khamui shaikhangarum eina seihā kasālila ningtumlak eina sakruma.

EPHESIANAO 4:26

Malungvāt ngaroklala morei masaalu kala langpongda malungmavātalu.

EPHESIANAO 4:31

Ningkakhā, ningkachot, malungkhavāt, khonkazār, khamashāt, kala yangkharing khangarok saikora chi horserhaolu.

COLOSSIANAO 3:15

Khristana khami chingri kahai china nathumwui wuklungli mungranu, kaja chili nathumli asā akha sākhavai Varena hokakhuina, chiwui vang ningshilu.

COLOSSIANAO 3:8

Kha ara nathumna malungkhavāt, khamathang, yangkakharingwui kaphaning saikora horhaiphalungra. Nathumwui khamor eina kazei tui kala shuikhangarui misuichān mamatuiphalungmara.

1 THESSALONICANAO 2:13

Khiwui vang eina ithumna atam kachida Vareli ningkashi khamikhala kajiwui apong khangateila lei. Ithumna nathumli Varewui paokaphā khuikharā tharan nathumna nganai kala miwui chānpao maningla Varewui chānpaolaka da kakhuila khuisanga. Kaja shitkasanga nathumwui alungli Varena ot sāda lei.

JAMES 1:16

Leikashe ivānaongarā, maminam ngasaklu.

JAMES 1:2

Ivānaobing, chāng khayang yur saikora, nathumna samkaphang tharan ka̱lā khamahaina da shānkhuilu.

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.

JAMES 2:1

Ivānaongarā, tekhamateiwui Proho Jishu Khristali shitkasangbing sāhaoda, mimai yangda ot masālu.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

JAMES 3:10

Khamor akhawui eina masotkhamila, khonkashila shoka. Ivānaobing chikathā chi mashok ngasakphalungmara.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 5:12

Mataimeikapta, ivānaongarā, khangashit kasāli shākhi masaalu; kazingla, okathuila, kala khiotkhala mamingzaialu, kha Varena bichar masā khavai ya kajili “Ya” jichinglu; ngga kajili “Ngga” jichinglu.

JAMES 5:19

Ivānaobing, nathumwui ngachaili kachikathāna khamashungwui eina thuihaida zatphāphā kahai tharan kachikathāna ali hanung ngasakluishitakha,

1 JOHN 2:21

Nathumna khamashung chi matheimana kajiwui vang kakapi maningmana, kha nathumna chi katheiwui vang kala khamashungwuili kakapik mashokmana kajila katheiwui vang kagapina.