JAMES 1:14 - Kathara Bible (BSI)

¹⁴ Kha khalattawui ningkachāngli kazat tharan ali kasuina.

JAMES 1:14 Iomraidhean Croise

HAOKAPHOK 3:6

Chieina sha̱nao china thingrong chi kashakazāwui vang mathai da kathei eina, kala mikli ngayam ngasak kahai eina kala thingrong china thangmei ngasaka jihaoda, ana chiwui athei chi khuida shai; kala agaharalila kateokha mi, kala ana shai.

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

HAOKAPHOK 8:21

Kala Prohona nganamkaphā anganam chi nganamlaga Prohowui ningli hānga, “Ara ina ngalei hi miwui vang eina makhonshiluilakmara, kaja miwui chukkhamaja nganuilakhawui eina thuida makaphā makhayāmānga; kala kharing yur kachiva̱ ina shimān khangasak chi ara ina masāluilakmara.

2 SAMUEL 11:4

Chieina Davidna paome chihovāda ahokhui ngasaka; kala preiva̱ chi kharā eina ani ngasopi. (Sha̱naopava̱ chi khamakhaowui eina tharkakhui atam sāsai). Chiwui thili ana ashi shim hanunghaowa.

JOBWUI LAIRIK 31:27

ngathumda iningna malungchāngda, kala khalatta pāngli maya̱khuiakha,

JOBWUI LAIRIK 31:9

Iwui ningna sha̱nao akhali ningchānghaida, khongnainaowui khāmongli ina rimsākha;

CHĀNSAM 4:23

Nawui wuklung ningmazingda hailu; kaja chiwui eina kharing ura̱ woka,

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

HOSEA 13:9

Ina nali sākhayāngra, O Israel; khipāna nali ngachonrakhala?

MATTHEW 15:18

Kha khamorwui eina kashok chi wuklungwui eina kashokna, china mili makhao ngasaka.

MATTHEW 15:20

Mili makhao khangasak chi hibing hina kha apāng mamazikla phākazā china mili mamakhao ngasakmana.”

MATTHEW 4:1

Chiwui thili Manglāna Jishuli chipeena suikhavai lamhāngli thānvai.

MATTHEW 5:28

Kha ina nathumli kahāngna, sha̱naoli phasāwui khamathang mikyan eina khayang mi kachiva̱ sha̱nao chili awui wuklungli rida phophāhaira.

ROMNAO 7:11

Kachiwui vangkhala kaja morei china atam kachā samphangkhaleoda ningkhami chiwui mangā eina ili minamhaowa kala sāthathaowa.

ROMNAO 7:13

Chithākha hiwui kakhalatva kaphā china ili thingasakhaowa kajilā? Maningphutmana! Chi moreinana, morei china awui kachangkhat khangachā chi phongshok khavai kaphā kaho chi singlaga ili thingasaka kala chiwui mangā eina hāngkhavai makhalei morei sāngasaka.

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

HEBREWNAO 3:13

Moreina nathum khipālikha chipatta ning mamakang ngasak khavai “Aja” kaho hi leilakha nathum akha eina akha kasatkasang eina ngasoda thangkachida machin ngaroklu.

JAMES 1:13

Kachikathā mi akhali kasui kharā tharan, “Ili Varena suiya” da maphenalu; kaja Vareli makaphāna masuirarmana kala ana khipālikha masuimana.

JAMES 1:15

Ningkachāng chi chungkasang tharan morei shokka kala morei hakkasang tharan kathi shoka.