JAMES 1:12 - Kathara Bible (BSI)

¹² Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 1:12 Iomraidhean Croise

HAOKAPHOK 22:1

Hiwui thili Varena Abrahamli chāng yangda, “Abraham” da kaho eina “I hili leili” da ngahānkai.

NEHEMIAH 1:5

Kala ina hānga, “O Proho, kazingramwui Varivara, reikhamataia kala khangachee khangachā, awui ningkhami mayonda ali leikashibingli makhangachei leikashi kala awui tuingashit eina mayonkhame Vare;

JOBWUI LAIRIK 2:10

Kha ana apreiva̱li hānga, “Nala mangkhama̱ sha̱nao akha thāda matuili. Ithumna Varewui eina khamathāva samphanglaga makaphāva masamphangsila?” Saikora hilila Jobna amorchai eina morei masāmana.

JOBWUI LAIRIK 5:17

“Yanglu, Varena hāngkhamathina mi chi kalā mahai; chiwui vang eina Sāshap-pangshapana hangkhamachinli machinalu.

LAA 11:5

Prohona khamashunga kala makhayālila tamyanga, kala amanglāna khangashaoli malungkachānga chili yangkharinga.

LAA 119:67

Kakhanang masamphangranglakha, ina zatkhangaili zatsai; kha ara ina nawui tui mayona.

LAA 119:71

Ina nawui shiyan tamkhui khavai khanang khangasak chi phālaka.

LAA 119:75

O Proho, nawui bichar mashunga da ina thei; kala nawui ningkatong alungli ili nana chotkhangasakna.

LAA 5:11

Kha nali ngayinkakhuia saikora mathānranu, athum khamathānwui laa sachingranu; kala nana athumli ngākmilu, chithāda nawui mingli leikashe athumna nawui alungli mathānranu.

LAA 94:12

O Proho, nana hāngkhamachin, kala nawui ainwui eina tamkachitheia mi chi sokhamina

SHONGZĀ 20:6

kha ili leishida ningkhami saikora khamayonabing thingthingli makhangachei leikashi chitheikhamena.

CHĀNSAM 17:3

Khāng lupāsāwui vāngna, sharkha̱ sināwui vāngna, kala Prohona ning tamyanga.

ISAIAH 64:4

Achalakha eina thuida, khipākha khanā einala mashālakmana, na maningla mik eina Vare khangatei matheiranga; ali ngaraida khalei athumli otram khangatha̱bing.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

MATTHEW 10:22

I wui vang eina nathumli mi saikorana yangkharingra. Kha khanao eina tangda khāngkashapa china kahui samphangra.

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

LUKE 6:22

“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!

ROMNAO 5:4

khāngkathei eina Varewui kapen, Varewui kapen eina kachihān shoka.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

1 CORINTHNAO 2:9

Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”

1 CORINTHNAO 8:3

Kha Vareli leikashe mili Varena theimi.

1 CORINTHNAO 9:25

Khangareo mi kachiva̱na shimānhaoki kaji wonrui chiwui vang angarak tāzak eina mayona; kha ithumva kashimān kaho mavaiki kaje chiwui vangna.

KHALATLUI 13:3

marānbing nilala, mang katheiapali nilala manganāsangalu; kaja nathumna Proho nathumwui Vareli wuklung kala manglā kala ningtongda leishikā maleishikhala da Proho nathumwui Varena nathumli chāng katamna.

KHALATLUI 7:9

Chiwui vang eina theilu, kaja Proho nathumwui Vare chi Varena, ali leikashibing kala awui ningkhami khamayonabingli tuingashit mayonkhame makhangachei leikashi thot thingthing haikhame makhangachei Varena,

KHALATLUI 8:2

Kala malangso khavai, nathumwui ning yangkhui khavai kala Varewui ningkhami mamayonnikhalada yangkhui khavai, zingkum hangmati lamhāngli Prohona thānkazat nathumna phaningungra.

2 TIMOTHY 2:15

Varewui pao mashungrik eina tamkachitheia akha sāda nawui otwui vang makhayakla Varewui miktāli tongchaoda mayākhami samphang khavai sālu.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

HEBREWNAO 10:32

Nathumna Varewui kahor samphang kahai chiwui thili kachot kachungkha samphanglala maikashi masamphanglak kaji atam chi phaningunglu.

HEBREWNAO 11:17

Chāng khayang tharan shitkasang mangā eina Abrahamna Isaacli pha̱phayā khavai chigata kala ngashit kahai samkaphanga a china akhamāng kaje anaomayarali chigatkida mangangmana.

HEBREWNAO 12:5

Varena awui nao thada malung pingkhavai kahāng chi malaihairala? “Inaomayara, Prohona hāngkhamachinli paisor eina makhuialu, kakharar tharan ning masuitālu.

HEBREWNAO 6:15

Abrahamna khāngkatheiwui vang Varewui ngashit kahai chi samphanga.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

JAMES 5:11

athumli khamahai hoi kaja athumna sipkasā khānga. Nathumna Jobwui ningzinghākharing shāhaira kala Prohona naoda ali kayākha mataisangmikhala kajila nathumna theihaira, khikhalajila phaningkhami kala leikashina pemtinghai.

1 PETER 3:14

Khamashung khangarongwui vang nathumna kachotkachāng samphangsālala, nathumli somira, khipālikha mangacheealu kala wukla makhanangalu.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 4:14

Khristawui thi kashurwui vang mina zeiakha nathum ringphālu; hiwui kakhalata tekhamatei manglā, Varewui Manglā chi nathumwui lungli lei.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

1 JOHN 4:19

Varena leishikharewui vang ithumna leikashina.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 3:19

Ina leishilak kajebingli hāngmachinda tandila mi; chiwui vang eina ningmazingda ningngateilu.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.