JAMES 1:1 - Kathara Bible (BSI)

¹ Vare kala Proho Jishu Khristawui otram khangatha̱a Jamesna okathui peida chaiyāng eina khalei shang tharāda khanili shālam chiphunli.

JAMES 1:1 Iomraidhean Croise

1 WUNGNAOBING 18:31

Prohona, “Nali Israel hora” da hāngkahai Jacobwui naomayarabingwui shang tharāda khaniwui thishurda Elijahna ngalung tharāda khani khui;

EZRA 6:17

Kala Varewui shim dharkat phanitli mukkā shākha, yaovā shākhani, yaonao shāmati, kala Israel saikorawui vang suihamshar sākhavai Israelwui shang mashing athishurda me tharāda khani chigata.

ESTHER 3:8

Chiwui thili Hamanna Awunga Ahasu-erusli hānga, “Nawui wungram saikorali kachikathā miyur akha yaoyāng eina yurbingwui alungli pamdalei; athumwui ain yur khangatateiwui eina ngateihanghai, athumna awungawui ain mamayonmana; chieina athumli khāngkapam hi awungawui vang khikha kānkhana maleilakmana.

SHONGZĀ 24:4

Kala Mosesna Prohowui tui saikora chi kapikhuiya. Kala ana ngathorthāk thuilaga phungreipheili hanphut akha sākhui, kala Israel shang tharāda khaniwui athishurda pākra̱ tharāda khani sakai.

SHONGZĀ 28:21

Israelwui naomayarabingwui aming eina ngasoda ngalung tharāda khani leira; mahor namkhavai thāda shang tharāda khaniwui aming ruksangserra.

SHONGZĀ 39:14

Ngalung tharāda khani chili Israelwui naomayarabingwui aming athishurda yeksangsera; mahor namkhavai khutop thāda yeksangsera.

EZEKIEL 12:15

“Miyurbingwui alungli kala ngalei kachiva̱li ina chaiyāngva kahai tharan I Prohona da athumna theira.

PĀNGMONSHI 26:33

Kala nathumli yur khangateiwui ngachaili chaiyāng ngasakra, iwui raighaina nathumli yunzatra; nathumwui ngalei ramchohaora, keinungla sakathānserhaora.

MATTHEW 10:3

Philip eina Bartholomew; Thomas eina khāshinā khaloka Matthew; Alphaeuswui naomayara James kala Thaddaeus;

MATTHEW 13:55

A mistriwui naomayara chi maningmalā? Ava̱li Mary mahomalā? Kala James, Joseph, Simon kala Judah awui achināngarā maningmalā?

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MARK 3:18

Andrew, eina Philip, kala Bartholomew, kala Matthew, kala Thomas, kala Alphaeuswui naomayara James, kala Thaddaeus, kala yurli leikashe Simon,

LUKE 22:30

Chiya nathumna iwui wungramli phāshak-phazāpamra kala wungpamkhongli pamlaga Israelwui shang tharāda khaniwuitungli nathumna mungra.”

LUKE 6:15

Mathew, Thomas kala Alphaeuswui naomayara James, Zealotla kaho Simon kala

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 7:35

Jihudi akhavābing athum eina athum ngazek ngaroka, “A kali vaukida ali maphākhuirarmara kajikhala? Ithumwui mibing chaida khalei Greeknaowui keinungbingli vāda Greeknaobingli atamchitheira kajila?

OTSAK 1:13

Athumna keinung chili kazang eina Peter, John, James, Andrew, Philip, Thomas, Bartholomew, Matthew, Alphaeuswui naomayara James kala Zealot kaho Simon kala Jameswui naomayara Judaslong pamkasa mathāng atowui kā chili kai.

OTSAK 12:17

Peterna athumli akhon mashok khavai apāng eina ingkit sai kala kathada Prohona ali phātopwui eina khuishokmikhala kaji hāngchithei. “Hi James eina ivānaobingli hānglu” da hānglaga apam khangteili thuihaowa.

OTSAK 15:13

Anina hāngkup kahaiwui thili Jamesna hānga, “Ivānaobing khanganāmilu!

OTSAK 15:21

Kaja atam kasāngkhawui vang sabbath kachida synagogueli Moseswui ain pāchinga, kala awui tuibing chi keinung kachida hāshoka.”

OTSAK 15:23

kala chithi chi hithada kapilaga anili sangmida chihovai: “Paokazatbing ararnaobing kala navānaobingna Antioch, Syria kala Ciliciali khalei shitkasanga Gentilebingli shālam mili.

OTSAK 2:5

Chitharan okathui apam kachiva̱wui eina kharā shitkasang khangazipa Jihudi kachungkha Jerusalemli leisai.

OTSAK 21:18

Akhama kathā Paulna ithumli ngasoda Jamesli asamphang khavai vai kala chili churchwui ararbingla leisersai.

OTSAK 23:26

Claudius Lysiasna Phākhamataiya governor Felixli shālam mili.

OTSAK 26:7

hi ithumwui shang tharāda khanina samphangra da chihānchaoda Vareli ngashun ngayā mateila khokharum china. Kachihān hiwui vang, he awunga, Jihudibingna ili kaphenna.

OTSAK 8:1

Kala ali sākathat chi Saulnala mayai. Chithang Jerusalemli khalei churchli sākashi kachotkachāngwui rekakharek haophokhaowa. Chiwui vang paokazatbing maningla khangatei saikora Judea eina Samariawui apam saikorali ngapha̱yāng yāmvāhaowa.

ROMNAO 1:1

Varena awui paokaphā hashok khavai hokhui kahaia rao Paulna kachiphun chithina.

GALATIANAO 1:19

Chili Prohowui achinā James maningla paokazata khangatei akhala matheimana.

GALATIANAO 2:12

Kaja Jameswui eina mi machihorāranglakha ana Gentilewui Vareshinaobingli phazāngaruma, kha athum kharā eina ahui rimkashokwui mijang kasābingli ngacheehaoda Gentilebingli maphazāngarumluithuwa.

GALATIANAO 2:9

Varena ili khamataia otsin mihaira kaji theilaga kathāna kasaa James, Peter kala John athumna Barnabas inili ithum saikora otsakrumabingna kaji kachithei sāda pāng rāngasinkhui. Barnabas inina Gentilebingli kala athumna Jihudibingli otram ngatha̱mi khavai mayāngaroka.

KHALATLUI 28:64

Kala okathui achikun akhawui eina khangatei akhali Prohona nathumli kashamvāra; kala chili nathumnala, navā ngarānala makathei thingngalungwui varebingli otram ngatha̱ra.

KHALATLUI 30:3

Proho nathumwui Varena nathumli somi kahai saikora chi hanmira, kala nathumwuitungli lukhamashan tāshungmira, kala ana chaiyāngmi kahai yurbing alungwui eina Prohona nathumli kazipkhuiluishitra.

KHALATLUI 32:26

“Athumli katāva̱li miyur khangateiwui alungli chaiyānghaida maphaningunglui khavai sāra” da ina hānghairara,

KHALATLUI 4:27

Kala Prohona nathumli miyurbingwui alungli chaiyāngmihaida, Prohona nathumli kashamkhavā miyurbingwui alungli nathum teolak kahai yur sathuihaora.

PHILIPPINAO 1:1

Khristawui rao Paul eina Timothywui eina— Philippili khalei church kathanabing eina khangachonabing zangda Khristali ngarum kahai Varewui mibing:

2 TIMOTHY 4:21

Kashap eina tangda si marāranglakha rākhavai hotnālu. Eubulusna nali shālam mili; Pudens, Linus, Claudia kala ichinā ngarā saikoranala shālam chiphunli.

TITUS 1:1

Varewui rao kala Jishu Khristawui paokazata Paul, ithumwui dharmarinna khamashung tamchithei kahai chili thānmi khavai kala Varena kapangkhui kahai miyurwui shitkasangli ngachonmi khavai ili kapangkhuida kachihona.

1 PETER 1:1

Pontus, Galatia, Cappadocia, Asia kala Bithyniali ngapha̱yang eina kashamvā kahaibingli paokazata Peterna,

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

PHONGKHAMI 7:4

Kala mahor nammi kahaibingwui mashing chi ina shai; Israel shang saikorawui eina thing shākha hangmatida matili mahor namhaowa.