HOSEA 8:4 - Kathara Bible (BSI)

⁴ Athumna awungabing kapangsanga, kha iwui eina maningmana. Wungnaobing kapangshoka, kha iwui kaphaning makhuimana. Athum khalatta shimān khavai lupāsā kala sinā eina meoma̱ sākhui,

HOSEA 8:4 Iomraidhean Croise

1 WUNGNAOBING 12:28

Chieina awungana ngasanlaga sināwui seinao khani sākhui, kala ana mibingli hānga, “Jerusalemli nathumna kakā hi tānai. O Israelnaobing! Egyptwui eina nathumli thānshokkhame nathumwui varebing hili yanglu.”

1 WUNGNAOBING 13:34

Hikathā otsak hina Jeroboamwui shimkhurli morei sāngasakta katathailaga okathuiwui eina shimānchao khavai sathuihaowa.

1 WUNGNAOBING 16:31

Nebatwui nao Jeroboamwui morei kasā chi khikha maningmana kaji thāda, ana Sidonwui awunga Ethboalwui naongalāva̱ Jezebelli khui, kala Baalli shurda khoruma.

JEREMIAH 16:20

Mina akhalattawui vang varebing sākhuipaila? Chikathā chiya varebing maningmana!”

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

DANIEL 3:1

Awunga Nebuchadnezzarna sinā eina mima̱ kahakva̱ akha sākhui: mima̱ chi khuining hangtharuk juiya, kala kahak khuining tharuka. Kala Babylon leikhai Dura kaho tampākli hai.

HOSEA 13:1

Ephraimna khamatui tharan mibingna kathirra; ali Israelwui alungli sochikatsai; kha ana Baalwui vang eina khayon sāhaida thihaowa.

HOSEA 13:11

Malungvāt eina ina nathumli awunga mihaira, kala malungvāt eina athumli ina khuithuihaira.

HOSEA 13:2

Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

HOSEA 2:8

Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

HOSEA 8:3

Kaphā kaho Israelna khalanhaira; yangkashena ali kharomra.

MATTHEW 25:12

Kha ana hānga, ‘Kachangkhat ina nathumli kahāngna, nathumli I matheimana.’

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

LUKE 13:27

Kha ana, ‘Ina kahāngna, nathum kachiwui eina kharākhala da I matheimana; iwui eina thulu, He makaphā makhayā ot kasābing’ da hāngra.

JOHN 10:14

I kaphā yaokahomana; ina iwui yaobingli thei kala iwui yaobingnala ili thei,

GALATIANAO 4:9

Kha ara nathum Vareli theihaira, lah Varena nathumli thei— nathum kathada khangazana kala lumashankapai manglabingli hanungga jihaokhala? Khiwuivang athumwui rao saluingaihaokhala?