HOSEA 7:9 - Kathara Bible (BSI)

⁹ Khangatei yurna awui yāng kānmihaira, kha ana chi matheimana; kuila ngapoktokhaira, chila ana matheimana.

HOSEA 7:9 Iomraidhean Croise

HOSEA 8:7

Kaja athumna masi yaosanga, kala athumna sur hātkhuira. Nganingda khalei mārongbing athei makāmana, zāt mashokmara; shoklala khangateibingna ngapaizāhaora.

ISAIAH 1:7

Nathumwui ngalei ngachakyānghaira, nathumwui keinungbingla meina chuitāmihaira; nathumwui miktāli yangkashebingna nathumwui ngalei ngaponmihaira, yangkashebingna yuihaida chi ngachakyānghaira.

CHĀNSAM 23:35

“Athumna ili shaowa, khamāva maza̱mana, ili shaowa, kha I kachot matheimana. Ina katharan ngakarthuira? I mangkhavai phaluishitra.” da nana hāngra.

2 WUNGNAOBING 13:22

Chitharan Jehoahazwui thotli Syriawui awunga Hazaelna atam kachida Israelnaobingli rekhareklak eina sāsai.

ISAIAH 57:1

Khangaronga mi shimāna, laga khipānakha ningli sakta makhuimana; wuklung kathar mi khuithuihaowa, khipānakha matheishingkakhui atamli. Kaja unshimuiwui eina khangarong mili khuithuihaoda,

2 WUNGNAOBING 15:19

Assyriawui awunga Pulna ngalei chili rākaida; Menahemna awui wungpangshap kasing mayāmi khavai lupāsā kg. thing thumrāda mati kharit khuimi.

ISAIAH 48:8

Nathum mashālakranga, nathum matheilakranga, achālakhawui thotwui eina nathumwui khanā mawutranga. Kaja nathumna yansailak eina sāra kaji ina thei, kala pharāthang eina thuida nathumli ngakaikashe hoi.

HOSEA 4:6

Theikakhui khavātwui vang iwui miyur shimān ngasakhaira; kaja theikakhui chi nana makhuingaithuwa, iwui pāngmon khangasāwui eina nali khalanhaira. Kala nana nawui Varewui ningkhami malai kahaiwui vang, inala nawui naongarāli malaira.