HOSEA 7:3 - Kathara Bible (BSI)

³ Athumwui makhayā china athumwui awungali mathān ngasaka, kala athumwui sākahai china wungnaobingli mathān ngasaka.

HOSEA 7:3 Iomraidhean Croise

1 WUNGNAOBING 22:13

Micaiahli akaho paome china hithāda hānga, “Yanglu, marānbing tui akha sāda awungawui vang hangmiserhaira, nawui tuila athumwui thāda awungali khamayā tui hānglu.”

1 WUNGNAOBING 22:6

Chieina Israelwui awungana marān shāmati sha̱kha hokhuida athumli hānga, “Ili Ramoth-gileadli rai sālu jikā, khānghaolu jikhala?” Athumna, “Sālu, Prohona awungawui pāngli horsangmira,” da hānga.

JEREMIAH 37:19

‘Babylon awungana rai marāngararlakmara’ da phongkhame nawui marānbing kali vāhaokhala?

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

JEREMIAH 9:2

O, siwukli ramkazatabingwui ngasām khavai akha leisi kaje, iwui mibingli chihohailaga chili mavāpamhaikapai! Kaja athum saikora phokaphā, mikhanama mimāng sāthuihao!

HOSEA 10:13

Nathumna morei saosanghaira, nathumna mashun-makhaning hātkhuihaira, nathumna kakapikwui athei chi phāshaihaira. Kachiwui vangkhala kaja nathumna nathumwui siguigārili chihama, kala sorkhangasai raikapingbingli chihama,

HOSEA 11:12

Ephraimna ili kakapik eina kuinamhaira, kala Israel shimkhurna kachipat eina, kha Judahli arui eina tangda Varena theimi, kala ana Katharali khayāshi.

HOSEA 4:2

shākhi kasā, kakapik, shaokathat, khalee ot kasā kala phokaphāmāng lei; masaalu kaji saikora athumna sai, kala shaokathatwuitungli shaokathat ngarora.

HOSEA 5:11

Mashun bichar athishurda Ephraimli rekharekhaira; kaja arema otli shurra jihaowa.

HOSEA 7:5

Ithumwui awungawui zimiksholi wungnaobing zamwui kasāna kazāhaowa; ana mana̱kashebingli ngasoda pāng katinga.

MICAH 6:16

Kaja nana Omriwui shiyan-chikan, kala Ahab shimkhurwui shiyan-chikan mayonhaira; kala athumwui khamachin athishurda zatra; chieina ina nali macho ngasakra, kala nawui ramli kasikharora ngasāra, chithāda sāda mibingwui khamashāt nana phungra.”

MICAH 7:3

Makaphāwui vang athumna themlāk eina sai; wungnao eina bichar kasaana pheizā poi, kala khangama mi china awui makaphā sākhangai chi hāngzata, hithāda athumna otsakruma.

ROMNAO 1:32

Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

1 JOHN 4:5

Athuma okathuiwuina, chieina athumna khamatui chi okathuiwuina kala okathuina athumwui tui khui.