HOSEA 7:2 - Kathara Bible (BSI)

² Kha ina athumwui makaphā otsak saikora phaningunga kaji athumna maphaningmana. Ara athumwui otsakna athumli tumhaira, saikora ina theisera.

HOSEA 7:2 Iomraidhean Croise

JOBWUI LAIRIK 34:21

Kaja miwui kazatpam chi amikna thei, kala awui pheikār saikora ana theisera.

LAA 10:11

Awui ningli, “Varena malaihaira, a ngathumhaira, ana kachilikha matheiluimara” da phaninga.

LAA 25:7

I yaronlakhawui morei, kala iwui khayonkhamāng chi maphaningmialu; O Proho, nawui makhangachei leikashi, nawui kaphā chiwui mangā eina ili phaningungmilu!

LAA 50:22

“Hi machutkhuilu, Vareli malaikahai nathum; maningakha ina serkazamda khipākhana kanshokmi khavai maleisāmara!

LAA 9:16

Prohona akhalatta chitheimihaira, awui bichar sākuphaira, makaphā makhayābing china athumwui pāng eina sākahai khalen chili mana.

LAA 90:8

Ithumwui khayonkhamāng namangāli nana haiya, thumkahai ithumwui moreila nawui kahorli thei.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

ISAIAH 26:16

O Proho, kakhanang atamli athumna nali phai, nana hāngkhamachin tharan athumna nali seihā sai.

ISAIAH 44:19

Khipākhala machukmaja̱mana, aworla maleimana, theikhavaila maphala, “Tangkhai ina meili riklaga chiwui meithātungli khamuila, sāla ruishaihaira, kala chiwui ajui-arui china ningkakachaiya sāvaisila? Thingum akhali ina ngakhumsangda khorumrala?” da kahāngla maleimana.

ISAIAH 5:12

Athumna morkasongli lyre, tingteilā, kortar, kala sipa̱la zam eina ngasoda singa, kha athumna Prohowui otsakli matheimimana; awui pāngna sākahai otbing mayangsangmana.

JEREMIAH 14:10

Mibing hiwui apongli Prohona hithāda hānga: “Athumna hithāda ngaruikazatli leishihaoda, athumna athumwui phei mangasāmana; chiwui vang Prohona athumli makhuikasangna, ara ana athumwui khayonkhamāng phaningungra kala athumwui moreili tandi mira.”

JEREMIAH 16:17

Kaja, imikna athumwui kasāsā apong saikora thei; athum iwui eina mathumhaimana, athumwui khayonkhamāng kasāla imikwui eina kathumla mathumhaimana.

JEREMIAH 17:1

“Judahwui morei mari kolom eina kapihaida lei, hirāwui aton eina athumwui wuklungwui lungphekli kala athumwui hanphutwui angachili ruksanghaira,

JEREMIAH 2:19

Nathumwui makhayāna nali machinra; kala nawui shitkasang kahat china nali machinra. Nawui Vare Proholi horkahai hi nawui vang makaphā kala kakhā otna kaji yangda theikhuilu; ili khangachee nathumwui alungli maleimana,” da saikorawui Proho VAREna hānga.

JEREMIAH 32:19

thangkhamei ngalat kahai sāshap-pangshapana; mibingwui apong saikora theishapser kaje, kala mi kachiva̱li awui apong kala otsakwui athei athishurda nana sāman mi;

JEREMIAH 4:18

Nathumwui apongna kala kasākhavāna nathumwuitungli hikathā rākhangasakna. Hi nathumwui ngachang khavaina, kala hi khāshuna; hina nathumwui wuklung vāshunglakhaira.”

JEREMIAH 44:21

“Nathumna, nashāvā ngarāna, nathumwui awungabing, wungnaobingna kala ngalei chiwui mi saikorana Judahwui keinungli, Jerusalemwui chānreili nganamkaphā ot rikkatā chi Prohona maphaningungmala? Chi Prohona matheimala?

EZEKIEL 21:29

athumna nathumwui vang makhamashung phongmilala, athumna kapikta marānlala—makathara makhayāwui kahungli athumwui khanaowa tandi ngachāmi khavai atam chi rāhaira.

HOSEA 12:2

Prohona Judahwuitungli kaphen lei, kala Jacobli awui kasā athishurda tandi mira, kala ali sākahai athishurda athut khuira.

HOSEA 4:9

Kala mibinglila, pāngmonbinglila ina athumli ngaraichāda tandi mira, kala athumwui otsak athishurda kachichāwui sāman mira.

HOSEA 6:2

Khanithangwui thili ana ithumli mathuk ngasakra; kakathumathang ana ithumli ngakarthui ngasakra, chieina ithumna awui mangāli ringpaira.

HOSEA 8:13

Athumna pha̱kaphayā ningchānga; athumna asā pha̱phayai kala chi shai; Prohona chi ningyāngkhaung maleimana; ara ana athumwui khayon chi phaningungda, athumli morei chiwui vang tandi mira, athumna Egyptli latungluishitra.

HOSEA 9:15

Athumwui makaphā kachiva̱ Gilgalli lei; chili ina athumli ningkakachai haophoka. Athumwui makaphā makhayā otsakwui vang ina iwui shim eina kashamshokhaora. Ina athumli maleishiluimara; athumwui otva̱bing ngakaikashimānga.

HOSEA 9:9

Athum khalatta zakshilāk eina sāmakhaohaira, Gileadwui atamwui thāhaira; ana athumwui khayonkhamāng chi phaningungra, ana athumwui morei chili tandi mira.

AMOS 8:7

Jacobwui lāngsot chiwui vang Prohona khangashit sāhaira; “Kachangkhat eina Ina athumwui otsak akhanidala mamalai mara.

JONAH 1:2

“Ngakarthuida kahaka keinung Ninevehli vālu, kala chili makhamayā tui avaolu; kaja athumwui makaphā makhayā chi ili shākāhaira.”

MISHĀN 32:23

Kha nathumna hithāda masaakha, yanglu, nathumna Proholi makhamayā morei sāhaira; kala nathumwui moreina nathumli phāshokra kaji theilu.

LUKE 12:2

Maphongshoki kaji faror kahai khikha maleimana lah matheiki kaji ngathum kahaila maleimana.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

KHALATLUI 32:29

Athumna thangmeisāsi kaja, athumna hi bhap tāra, anaolamshong katharakhala kaji theira!

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.