HOSEA 7:1 - Kathara Bible (BSI)

¹ Ina Israelli raikhami tharan, Ephraimwui khamakhao, kala Samariawui makhayā otsak phongshoka; kaja athumna nguida ot sai, khale china shimkaiya, kala ngaponkazābingna ayarshong ngapona.

HOSEA 7:1 Iomraidhean Croise

ISAIAH 28:1

Ephraimwui khamaripbingwui lāngsot kuihon, khamathā tekhamatei pa̱tāki kaji awon, ngaleikatumli pamda mariprei kahaibingna khangahon chi, kakhanang ngasāranu!

ISAIAH 59:12

Nawui mangāli ithumwui khayon mataisanghaowa, kala ithumwui moreina ithum khalattali phongshoka; kaja ithumwui khayonkhamāngna ithumli ngasozata, kala ithumwui khalāng ithumna thei:

ISAIAH 59:13

Proholi mamayāmada khalāng ot kasā, kala ithumwui Vareli kashurwui eina ngateithui kahai, rekakharek, khangararwui tui khamatui, phaningphāphai kala wuklungwui eina kakapik tui matuipama.

ISAIAH 59:14

Mashun ngareithuihaida, khangarong katāva̱li nganingli; khamashung kayāng-khareili tātunghaida, mashungrik kahai mazangpaithuwa.

JEREMIAH 51:9

‘Ithumna Babylon raikhavai sai, kha a marairarthuwa; ali nothāhaolu, ithum zatusa ichichā ramwui vang; kaja awui bichar kazing kāshunghaira; khamasai eina tangdala kāpeihaira.’”

EZEKIEL 16:46

“Kala nachonva, anao ngalāva̱li ngasoda nawui atungshong khalei Samaria china; kala anao ngalāva̱li ngasoda azingshong khaleiva̱ Sodom nagatuiva̱na.

EZEKIEL 23:4

Khararva̱li Oholah hoi, agatuiva̱li Oholibah hoi. Ani iwui ngasāhaowa, kala anina mayarnaola sha̱naola pharākhui. Oholah kaho hiya Samaria kajina, kala Oholibah hiya Jerusalem kajina.

EZEKIEL 24:13

Chiwui maripaih kapai chi nawui sokhamasapna. Nawui khamakhao chi ina sāmathākhui khavai sai, kha nawui khamakhao matharkhuipaithuwa; iwui malungkhavāt nawuitungli manemranglakha eina tangda na masāmathākhuipaimara.

HOSEA 10:5

Samariali kapama mibingna Bethavenwui seinaowui vang kathira. Chiwui mibingna chiwui vang chapra, kala meoma̱li khokharuma pāngmonbingna chapngachāra, pākthui kahai tekhamatei chiwui vang.

HOSEA 11:12

Ephraimna ili kakapik eina kuinamhaira, kala Israel shimkhurna kachipat eina, kha Judahli arui eina tangda Varena theimi, kala ana Katharali khayāshi.

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

HOSEA 12:1

Ephraimna masi homa, kala zingshoshongwui masili langpongda kharoma; athumna khangui kala khangashao chungsang ngasaka; athumna Assyriali ngasoda tongzā khavai sai, kala Egyptli thao khuivai.

HOSEA 12:2

Prohona Judahwuitungli kaphen lei, kala Jacobli awui kasā athishurda tandi mira, kala ali sākahai athishurda athut khuira.

HOSEA 4:17

Ephraim meoma̱li ngarumhaira, aningkhānranu.

HOSEA 4:2

shākhi kasā, kakapik, shaokathat, khalee ot kasā kala phokaphāmāng lei; masaalu kaji saikora athumna sai, kala shaokathatwuitungli shaokathat ngarora.

HOSEA 5:1

Hi nganālu, O pāngmonbing! Khuisanglu, O Israelwui shimkhur! Nganāsanglu, O awungawui shimkhur! kaja bichar chi nathumwuina; kaja na Mizpahwui vang khalen ngasāhaira, kala Taborli khailan horror kahaina.

HOSEA 6:4

Ina nali khi sara̱khala, O Ephraim? Nali khi sarakhala, O Judah? Nawui leikashi ngathorshongwui muiyā kathāna, thengngalang kahai ikra̱ kathāna.

HOSEA 7:13

Athumli kakhanang ngasāranu, kaja athumna iwui eina yāmthuihaira! Athumli sākakathān ngasāranu, kaja athumna ili ngarara! Ina athumli ngatangkhuingai, kha ili kakapik tui hānga.

HOSEA 8:5

Ina nawui seinao khalanhaira, O Samaria. Athumli iwui malungkhavāt chuida lei. Athum tharki kaji karankha leirakhala

HOSEA 8:9

Kaja athum Assyriali vāhaira, kharar sigui thāda ngachakyāng eina zatta lei; Ephraimna leikashebing masākhuihaira.

AMOS 3:10

“Raipanwui alungli sākashi kala khaleekasa̱ pemda kharui kahai athumna kathāda mashungkhuirakhala da matheimana.” da Prohona hānga.

AMOS 3:9

Assyriawui raipanli hānglu, kala Egyptwui raipanli ahānglu, “Samariawui phungreili nathum khalatta kaziplu, kala awui alungli hakkhamahā khonkazar, kala rekakharek chi yanglu.”

AMOS 8:14

Samariawui Ashimahli mingzaida shākhi sāda, ‘O Dan, nawui varena theiya’ kala, ‘Beer-shebawui mirin thāda kharingbing’ da hāngra, athumna pitāra, mangakarthuklui mara.”

MICAH 6:16

Kaja nana Omriwui shiyan-chikan, kala Ahab shimkhurwui shiyan-chikan mayonhaira; kala athumwui khamachin athishurda zatra; chieina ina nali macho ngasakra, kala nawui ramli kasikharora ngasāra, chithāda sāda mibingwui khamashāt nana phungra.”

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

LUKE 13:34

“Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana!

LUKE 19:42

“Chingri kahai hi kachiwui eina kharākhala da nathumna aja theisāsi kaja jong! Kha ara chila nathumwui eina thumihaira,