HOSEA 4:9 - Kathara Bible (BSI)

⁹ Kala mibinglila, pāngmonbinglila ina athumli ngaraichāda tandi mira, kala athumwui otsak athishurda kachichāwui sāman mira.

HOSEA 4:9 Iomraidhean Croise

CHĀNSAM 11:31

Khangarong mili okathuili athut khuiakha, makhayā kala morei kaphungali kayākha mataida khuira?

CHĀNSAM 12:14

Mi akhali awui tuiwui athei china kaphā eina ningyāng ungngasaka, kala mi akhawui pāng eina kasā ot chi ali latunga.

CHĀNSAM 5:22

Makaphā miwui khayonkhamāngna ali khalen sanga, kala awui morei kasālungli ali mana.

ISAIAH 24:2

Ayaonaosanli kasā thāda pāngmonbinglila sāpapamra; raonaobingli kasā thāda akhavābinglila chithāpapamra; rao sha̱naoli kasā thāda akhavaiva̱lila chithāpapamra; khalopāli kasā thāda khayorapālila sāpapamra; kachishutali kasā thāda kashukalila chithara.

ISAIAH 3:10

Khangarongabingwui vanga, kaphā ngasāra da hānglu kaja athumwui otsak athishurda athumna kazā samphangra.

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

EZEKIEL 44:10

“Kha Israelna ma̱thui kahai tharan iwui eina yāmhaida meoma̱li kaphaning Levinaobingna chiwui tandi phungra.

EZEKIEL 44:12

Khikhalajila athumna mibing chiwui meoma̱bingli otram ngatha̱mida Israelwui shimkhurli pheingaphok khavai morei sāngasaka, chiwui vang eina, ina athumwui pongli ngashitta athumna athumwui tandi phungra da Proho VAREna hānga.

HOSEA 1:4

Kala Prohona ali hānga, “Awui ming Jezreel holu; kaja khaleilaga awui thili Jezreelwui asheewui vang eina Jehuwui shimkhurli ina tandi mira kala Israel shimkhurwui wungram chi ina tangngasakhaora.

HOSEA 10:10

Yuiung-yuikhavā miyur hili rākkhavai ina rāra; kala yurbingna athumwuitungli kuinamra, athumwui khayontungli khalāngwui vang kharāk tharan.

HOSEA 12:2

Prohona Judahwuitungli kaphen lei, kala Jacobli awui kasā athishurda tandi mira, kala ali sākahai athishurda athut khuira.

HOSEA 12:3

Naopamli leilakha ana amali pheimacha̱ yonkhui, kala mi kāshung kahai eina Vareli ngatuka.

HOSEA 7:2

Kha ina athumwui makaphā otsak saikora phaningunga kaji athumna maphaningmana. Ara athumwui otsakna athumli tumhaira, saikora ina theisera.

HOSEA 8:13

Athumna pha̱kaphayā ningchānga; athumna asā pha̱phayai kala chi shai; Prohona chi ningyāngkhaung maleimana; ara ana athumwui khayon chi phaningungda, athumli morei chiwui vang tandi mira, athumna Egyptli latungluishitra.

HOSEA 9:15

Athumwui makaphā kachiva̱ Gilgalli lei; chili ina athumli ningkakachai haophoka. Athumwui makaphā makhayā otsakwui vang ina iwui shim eina kashamshokhaora. Ina athumli maleishiluimara; athumwui otva̱bing ngakaikashimānga.

HOSEA 9:9

Athum khalatta zakshilāk eina sāmakhaohaira, Gileadwui atamwui thāhaira; ana athumwui khayonkhamāng chi phaningungra, ana athumwui morei chili tandi mira.

ZECHARIAH 1:6

Kha iwui rao marānbingli ina kakaso iwui tui kala iwui shiyan china navāngarāli mayuimala? Chieina athumna ningngateida hānga, ithumwui shongfa kala ithumwui saki kaji chiwui vang saikorawui Prohona ngarān kahai thāda, chi tākam eina ungshung ngasaka.’”

MATTHEW 15:14

“Athum chithasaranu; athuma mik khangapeo kathānana; khangapeo akhali khangapeo akhana thānakha khanini khorchopli tāzangra.”