HOSEA 4:8 - Kathara Bible (BSI)

⁸ Iwui mibingwui moreitungli athumna ngaleozai; athumwui khayonkhamāngwui vang ngamara.

HOSEA 4:8 Iomraidhean Croise

2 WUNGNAOBING 12:16

Khayonchigatwui pheisā eina suihamchigatwui pheisā Prohowui shimli makhuirāmana; chiya pāngmonbingwui vang sāhaowa.

LAA 24:4

Apāng tharda khaleia, ning kathara, makānkhana otli awui manglāna makakahao, kala mikhanam eina ngasoda mamingkazaiapa china.

LAA 25:1

O Proho, imanglā nali yangkāli.

ISAIAH 56:11

Fabing chi morhāklaka, kashap mavaimana. Yaokahombingla theishingkakhui malei, athum saikora khalattawui apongli ngareithuihao, kachichāwui kānkhanāli phāda akhala akhala chisera.

EZEKIEL 14:3

“Miwui naomayara, mibing hina meoma̱ athumwui ningli phumhaida athumwui ngaphok khavai morei otsakmāngli yanga; iwui pongli athumna ngahān khavai mayāra da phaningla?

EZEKIEL 14:7

“Kaja Israel shimkhurwui eina, lah athumli ngasokazatbingwui eina, kachikathāna ili horhaida meoma̱li ningli phumhailaga awui phei ngaphok khavai morei otsakmāngli yanglaga marānli iwui kachithei rākhangahān mi chili Proho I khalattana ngahānkāra;

HOSEA 10:13

Nathumna morei saosanghaira, nathumna mashun-makhaning hātkhuihaira, nathumna kakapikwui athei chi phāshaihaira. Kachiwui vangkhala kaja nathumna nathumwui siguigārili chihama, kala sorkhangasai raikapingbingli chihama,

HOSEA 12:8

Ephraimna hānghaira, “Iya kashāngana, I khalattawui vang lan mathuisanghaira”; kha awui lan saikora china awui khayon sākahai chili mahāngshānrarmara.

HOSEA 14:1

Latunglu, O Israel, Nawui Proho Vareli, kaja nawui khayonkhamāngwui vang na kongluihaira,

PĀNGMONSHI 6:22

Aaronwui naomayarabingwui eina ali thuishin khavai thao neomi kahaiya china, katang makhavaiwui vang hāngkahai athishurda Proholi saikora chi riktāda chigatra.

PĀNGMONSHI 6:26

Moreiwui vang pha̱khame pāngmon china chi shaira, kazip khavai kachonshimwui yāngkhup katharapamli shaira.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MALACHI 1:10

Iwui hanphutpamli aremawui vang mei mathot khavai nathumwui ngachaili khāmong shungmi khavai mi akhamangla leisasi kaja chong! Ina nathumli ringkaphā maleimana, kala nathumwui pāng eina kachigat akhala makhuisangmara da saikorawui Prohona hānga.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

TITUS 1:11

Athumna tongzā khavai hokhamahā matamchitheikhangayi chi tamchitheida shimkhur katongali pa̱ngapā ngasaka. Chikathā chi khāmphalungra.

2 PETER 2:3

Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

1 SAMUEL 2:29

Chithakha ina kaso kahai kachigat kala pha̱kaphayā hili khisāda ngamarkhala; kala iwui Israel mibingwui kachigat kachiva̱wui eina mathāmeikap kaji china nakhalatta mathaopamlaga ili lāngda nanaomayarabingli khayā mihaokhala?