HOSEA 4:6 - Kathara Bible (BSI)

⁶ Theikakhui khavātwui vang iwui miyur shimān ngasakhaira; kaja theikakhui chi nana makhuingaithuwa, iwui pāngmon khangasāwui eina nali khalanhaira. Kala nana nawui Varewui ningkhami malai kahaiwui vang, inala nawui naongarāli malaira.

HOSEA 4:6 Iomraidhean Croise

ISAIAH 5:13

Chiwui vang eina iwui mibingna theikakhui khavātwui vang raithā kahaina; athumwui khayākakābing kakhum eina thiki jihaira, kala athumwui mibing ra̱kachangna kaorenghaira.

CHĀNSAM 19:2

Theikakhui makhalei hi miwui vang maphāmana, kala aphei thakkhanāla awui apong shimāna.

HOSEA 6:6

Kaja Ina makhangachei leikashi chi ningchānga, pha̱kaphayā maningmana, rikkatā kachigatpāle Vareli theikakhui ningchāngmei.

HOSEA 4:1

Prohowui tui nganālu, O, Israelnaobing! kaja Prohona ngalei chili kapam mibingli mamayākhangai lei. Shitkasang katong kala lumashankathei maleimana, kala ngalei chiwui alungli Vareli kathei maleimana;

MATTHEW 15:8

‘Mibing hina morchai eina ili khayāshiya, kha athumwui wuklung iwui eina katāva̱li lei;

HOSEA 8:14

Israelna Kasā-akhavali malaihailaga, wungnaoshim sakai; kala Judahna pan sākahai keinung kachungkha mataisanghaira; kha ina awui keinung kachiva̱li mei akha chihorāra, kala china awui raipan shimānngasakra.

ISAIAH 17:10

Kaja nathumna nathumwui Vare huikhameli malaihaowa, nathum ngayin khavai Lunghar chili maphaningungthuwa; thingrong khamathāthā linglala, vare khangateiwui vang thingphāng shunlala;

JEREMIAH 2:8

Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

2 THOTRINCHĀN 15:3

Atam kasāngkhawui vang Israelna khamashunga Vare mavaila leisai, tamchitheimi khavai pāngmonla, ainla maleisāmana;

HOSEA 13:6

kha athumna thoting eina zākahai tharan, thohaida lāngsohaowa; chiwui vang eina ili malai kahaina.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JOBWUI LAIRIK 36:12

Kha athumna manganāsangakha, raighai eina shimāna, kala theithangkhamei maleila thiya.

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

ISAIAH 3:12

Iwui mibingwui - naoshinaobingna athumwui rekakharekana, kala sha̱naobingna athumli munga. O iwui mibing, nathumwui kathānabingna nathumli thannguiya, kala nathumwui shongfawui apong masho ngacheimiya.

LAA 119:139

Iningli iwui malungkhavāt mei thāda chuihaira, khikhalajila iwui yangkashebingna nawui tui malaihaowa.

LAA 119:61

Makhayābingwui khara̱na ili khalen sanglala, Ina nawui ain mamalaimana.

MATTHEW 15:14

“Athum chithasaranu; athuma mik khangapeo kathānana; khangapeo akhali khangapeo akhana thānakha khanini khorchopli tāzangra.”

HOSEA 8:12

Ina athumwui vang ain lishing thingtharārā kapisasi kaja, athumna chi ngateihang kahai akhana da khuira.

HOSEA 8:1

Talla̱ chi namorchaili khāngkālu, kaja khalāngsāsha akha Prohowui shimtungli pa̱da lei. kaja athumna iwui tuingashit sākhaihaira, kala iwui ain kaihaira.

HOSEA 4:12

Iwui mibingna thingwui otli ngahāna, kala athumwui khāmshuina ngahānkāmi. Kaja khayor otsakwui manglāna athumli thānnguihaowa, kala khayorwui otsak sākhavai athumwui Vareli chihohaowa.

HOSEA 2:13

Kala Baalwui zātkhān sāda nganamkaphā athumli riktāda, ana sinā khutop eina mukta sangda leikashebingwui thi shurzatta, ili malai kahaiwui vang ina ali tandi mira da Prohona hānga.

1 SAMUEL 2:12

Chitharan Eliwui naomayarabing makakachanga mi ngasāsai; athumna Proholi khayākashi maleimana.

ISAIAH 45:20

“Nathum khalatta kazipkhuilaga rālu, rānganaingarumlu, miyurbingwui thinengbing! Athum theikhuikathei maleimana, thing meoma̱ phungkazatabing athum, kala mahuimikharara meoma̱ chili khorumpama.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 28:7

Hibingla drakhāra̱na marip ngasaka, zamsheina ngayit ngasaka, Pāngmonla, marānla zamsheina ngayit ngasaka, drakhāra̱na pa̱ngapā ngasaka; zamshei mangmangda khamaripa eina mahākhami theingui ngasaka, bichar kasāli konglui ngasaka.

MATTHEW 1:6

Jessena David awungali, Davidwui nao Solomonli Uriahwui preiva̱ sākasāva̱na pharai.

LAA 119:153

Iwui kakhanang hi yangmida kakanshokmilu, kaja nawui ain ina mamalaimana.

CHĀNSAM 10:21

Khangarongawui morchaina kachungkhali mizai, kha mangkhama̱na ning khavātwui vang thi.

EZEKIEL 44:23

“Athumna kathara eina yaruiwui ot khangatei hi iwui mibingli tamchitheiki kajina, kala kathar eina khamakhaowui khangatei hi athumna mibingli tamchitheiki kajina.

HOSEA 4:14

Nanao ngalāva̱bingna khayorwui otsak kasā tharan, kala mākhām kahaiva̱bingna phokaphā tharan athumli tandi mamimara; kaja mayarnao athum khalatta khayorva̱bingli ngasozatta lei, kala khayorbingli ngasoda pha̱kaphayā ot sai, kala theishingkakhui makhalei mibing shimānhaora.

HOSEA 5:4

Athumwui otsakna Varewuili malatung ngasakmana. kaja athumwuili khayorva̱̱wui ning lei, kala athumna Proholi matheimana.

HOSEA 7:9

Khangatei yurna awui yāng kānmihaira, kha ana chi matheimana; kuila ngapoktokhaira, chila ana matheimana.

HOSEA 7:11

Ephraim hiya mangkhama̱, ning makhalei nāsha̱ kathāna, ana Egyptli hoi, Assyrialila vai.

LAA 18:27

Kaje khangahuiabingli nana kanmi, kha hiksor kahai chili nana ngakhuntai.

ISAIAH 29:12

Kala lairik chi mapākathei akhali “Hi pālu” da kahāng eina, “Mapātheimana.” jihaowa.

HOSEA 9:17

Iwui Varena athumli horshokhaora, kaja athumna ali manganāsangmana; athum yurbingwui alungli zaizākazatbing ngasāhaora.