HOSEA 4:5 - Kathara Bible (BSI)

⁵ Na ngashunshong kongluira, marānla nali ngasoda ngayāshong kongluira; kala nashāva̱li ina shimān ngasakhaora.

HOSEA 4:5 Iomraidhean Croise

ISAIAH 50:1

Hithāda Prohona hānga: “Nava̱li ina chiho khavai kapāngwui lairik kali lei? Lha, iwui kachishuta khipāwui pangli nali ina yorsanghao? Yanglu, nawui khayonkhamāngwui vang nali yorkahaina, kala nawui khalāngwui vang nava̱li ina chiho kahaina.

JEREMIAH 15:8

Yireiwui situile; ina athumwui ra̱meiva̱bing chungmei ngasakhaira; yaronnaobing yaronshaplakha chithitra, ava̱va̱ ngarāli khanang ngasakra. Khangachee-khangachā kashuirak eina ina athumwuitungli tāngasakra.

JEREMIAH 23:9

Marānbingwui pongli: Imalung ngawokkhaihaira, ara̱-arā tachokhaira. I khamaripa mi thāhaira, zamkhorna minkahaia thāda, Proho wui vang kala awui katharatuiwui vang.

JEREMIAH 50:12

nava̱ khayaklakhaora, kala nali pharākakhuiva̱ chi maishihaora. Yanglu, yurwui ngachaili naomeikap kaje siwuk, kala lamhāng chi ana.

EZEKIEL 14:3

“Miwui naomayara, mibing hina meoma̱ athumwui ningli phumhaida athumwui ngaphok khavai morei otsakmāngli yanga; iwui pongli athumna ngahān khavai mayāra da phaningla?

HOSEA 2:2

Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

HOSEA 2:5

Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

HOSEA 5:5

Israelwui lāngkaso awui maiyanli lei; Ephraimna awui khayon chili phei ngaphokra; Judahnala athumli ngasoda phei ngaphokra.

ZECHARIAH 11:8

Kachāngkhawui alungli ina yaokahoma kathum shimān ngasaka. Kha ina athumli maja̱mirarthuwa, kala athumnala ili yangkharinghaowa.

ZECHARIAH 13:2

“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui Prohona hānga,

GALATIANAO 4:26

Kha atungshong khalei Jerusalem chiya ningkhān kahaiana, chi ithumwui ava̱na.