HOSEA 4:3 - Kathara Bible (BSI)

³ Chiwui vang eina ngaleina chapngachai, kala chili kapam saikora ning thengchenghai; kala ngaleiwui sāyurbingla, khamasaili yongkazata vānaobingla chota; kala ngayiwui khaihbing eina tangda khuithuihaira.

HOSEA 4:3 Iomraidhean Croise

ISAIAH 33:9

Ngaleina sifada khāsuthaira, Lebanon pa̱ngapāda thengchenghaira; Sharon lamhāng thāhaira, Bashan eina Carmelna thingnā khanuktai.

JEREMIAH 12:4

Ngalei hina karankha sifafara, kala luiwui khawona thengfara? Chili okthuida khaleibingwui makhayāwui vang sābing kala vānaobingla yāmserhaira; khikhalajila mibingna, “Ithumna kasā hi Varena matheimara” da hānga.

JEREMIAH 23:10

Kaja ngalei hi phokaphāna pema; khonkashiwui vang ngaleina sifay, lamhāngwui seihomphungla ngaikhokhaira. Athumwui otsak makaphāna, kala athumwui pangshap mamashungmana.

JEREMIAH 4:25

Ina yanga, kala yanglu mi akhala maleisāmana, kala khamasaili yongkazata vānaola yāmserhairasai.

JEREMIAH 9:10

“Phungreibingwui vang vaoda chapngachālu; lamhāngwui seizātpamwui vang chapngachālu, khikhalajila chibing chi ramcho sāhaoda khipākhana mamakānvāmana, seikhonla mashāluimana, kazingli yongkazata vanaola, ramsāla yāmserhaira.”

JEREMIAH 9:9

Otsakbing hiwui vang ina athumli tandi mamingayimala? Hikathā yurli ina athut makhuingayimala?” da Prohona hānga.

EZEKIEL 38:20

ngayiwui khaih, khamasaili kapaiya vānao, ngaleiwui ramsābing, ngaleili khangawo akha̱-akhao, kala okathuili khalei mi saikora, ili theilaga nganukyikhaora; phungreibingla minhaora, lungzilunghār kaihaora kala phākho kachiva̱ ngaleili ja̱tāserhaora.

JOEL 1:18

Sāna kathāda ringngākhala? Seishang kachiva̱ pa̱ngapāhaowa kaja seizāt maleithuwa; yaobingla khāsuthaowa.

AMOS 1:2

Kala ana hānga: “Prohona Zionwui eina khanganga, kala Jerusalemwui eina akhon vaowa; yaokahombingwui seihomphung sifaya, Carmel Kaphungton thenga.”

AMOS 5:16

Chiwui vang, Proho, ashangva̱wui Vare, Proho china hithāda hānga; “Kayāngkhareili saikora chapngachāra, chānrei saikorali athumna, ‘Iyavo! Iyavo!’ jira. Athumna chapngachākatheibinglila hosangra,

AMOS 8:8

Hiwuivang mi kachiva̱ masifa ngayimalā, kala chili okathui saikora sifaya, kala athum saikora Nile kong kathui thāda, kala Egyptwui Nile thāda ngaphumkashi shokkashi majimarala?”

NAHUM 1:4

Ana shamadruli khararda thengngasaka, ana kong saikora thengngasaka; Bashan eina Carmel ngahuihaowa; Lebanonwui awonla pa̱tai.

ZEPHANIAH 1:3

Ina mila sāyurla sāthatserhaora; Ina yongkazata vānaobingla shamadruwui khaihla mashākmilakmara. Ina makaphā makhayā chi sākazamhaora; ina mikumoli okathuiwui eina katathaora, da Prohona hānga.

ZECHARIAH 5:4

Ina hi chihovāra, da saikorawui Prohona hānga, kala china khalewui shimli kala minamda shākhi kasā awui shimli zangda shim chili khalei thingla lungguila chuitāhaora.”