HOSEA 4:2 - Kathara Bible (BSI)

² shākhi kasā, kakapik, shaokathat, khalee ot kasā kala phokaphāmāng lei; masaalu kaji saikora athumna sai, kala shaokathatwuitungli shaokathat ngarora.

HOSEA 4:2 Iomraidhean Croise

HAOKAPHOK 4:8

Cainna agato Abelli hānga, “Luishong vausa.” Kala anina luili leilakha Cainna agato Abelli pāng kāda shaothathaowa.

ISAIAH 24:5

Okathui hi mikumona sāmakhaohaowa; kaja athumna ain mangākmana, shiyan sākhaihaowa; katang makhavai tuingashit mamayonthuwa.

ISAIAH 48:1

Hi nganālu, O Jacobwui shimkhur, Israelwui ming eina hokhui kahaibing, Judahwui eina kharā naothei, Prohowui ming singda shākhi kasābing, kala Israelwui Vareli hāngkaphatlala, mashun kala angatar makhaningbing.

JEREMIAH 51:5

Kaja Israel eina Judahli aniwui Vare saikorawui Prohona mahorhairanga; kha Chaldeawui ngalei, Israelwui Katharawui mangāli makhayāna pemtinghaira.

JEREMIAH 6:7

Ura̱na tara̱ tharda kahai thāda awui makhayāla nganaozao eina haipama, khangashao kala sākashimānla awuili shāshon shāthai; kakazā, khamākaza̱ imangāli theichinga.

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

EZEKIEL 7:23

kala ngachakyāng ngasakhaora. “Khikhalajila keinung hi ashee kashokwui khayonkhamāng, khangama̱ khangashaona pemtinghaowa.

HOSEA 10:13

Nathumna morei saosanghaira, nathumna mashun-makhaning hātkhuihaira, nathumna kakapikwui athei chi phāshaihaira. Kachiwui vangkhala kaja nathumna nathumwui siguigārili chihama, kala sorkhangasai raikapingbingli chihama,

HOSEA 10:4

Athumna matui phaphai; khamasaili shākhi sāphaphai; chieina hu khalei khawo thāda bichar urshoka.

HOSEA 11:12

Ephraimna ili kakapik eina kuinamhaira, kala Israel shimkhurna kachipat eina, kha Judahli arui eina tangda Varena theimi, kala ana Katharali khayāshi.

HOSEA 12:14

Ephraimna kakhā ning retsangmihaira, chiwui vang eina awui Prohona asheewui khayon chi awuitungli haimihaora, kala awui khamashat ali latungluira.

HOSEA 5:2

Kala athumna Shittimwui chom chi thuklak eina chuihaira; kha athum saikorali ina rākra.

HOSEA 6:8

Gilead hi makaphā kasābingwui keinungna, ashee tākahaiwui achonmānga.

HOSEA 6:9

Phama̱kashaobingna mi akhali rimkapam thāda, pāngmonbingna sakrumda lei, athumna Shechemwui shongfali mi shaothata, mha, athumna khangashao ot sāhaira.

HOSEA 7:1

Ina Israelli raikhami tharan, Ephraimwui khamakhao, kala Samariawui makhayā otsak phongshoka; kaja athumna nguida ot sai, khale china shimkaiya, kala ngaponkazābingna ayarshong ngapona.

HOSEA 7:3

Athumwui makhayā china athumwui awungali mathān ngasaka, kala athumwui sākahai china wungnaobingli mathān ngasaka.

HOSEA 7:4

Athum saikora shām kasā misera; athum sālak kahaiya meiphung kathāna, khamui naihailaga makapchungranglakha eina tangda, khamui kasaana mei masākashimit thāda.

MICAH 3:2

Kaphāli ningkachailaga makaphāli leikashe nathum, iwui mibingwui ahui laishokkhamebing; kala athumwui aphi ara̱kuiwui eina hemkakhuibing;

MICAH 3:9

Hi nganālu, Jacobwui shimkhurwui akhavābing, kala Israel shimkhurwui khamungabing, mashunli ningkakachaibing, khamashungli masho khangasakbing,

MICAH 6:10

Makaphā makhayāwui shimli makaphā makhayā lupāchum kahai, kala khonshi kahai kateizā khavai khāntam chi ina malairarrala?

MICAH 7:2

Vare katheia mi okathuiwui eina shimānhaira, kala mashun eina kasā mi khipākha maleithura; athum saikora asheewui vang rimpama, kala mi kachiva̱ khailan singlaga achināli kharoma.

ZEPHANIAH 3:1

Ngakaikashe, makhao kahaiya, kala singkakharenga keinung chi kalākashi ngasāranu!

ZECHARIAH 5:3

Chiwui thili ana ili hānga, “Hi ngalei katongawuitungli khavā khonkashi china; hiwui thili khalei mi kachiva̱li hiwui athishurda katathaora, kala minamda shākhi kasā mi kachiva̱li hiwui athishurda katathaora.

ZECHARIAH 7:9

“Saikorawui Prohona kahāngna: Khamashung bichar sāmilu, lumashantheilu kala kachichāwui achināli ningshi ngaroklu,

MATTHEW 23:35

okathuili khayon makhaleibingwui ashee tākahai saikora; chiya khayon makhalei Abelwui ashee eina thuilaga Barachiahwui naomayara Zechariah eina tangda nathumna kathara khorumshim eina hanphutpamwui ngachaili shaokathat saikora nathumwuitungli tāra.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

KHALATLUI 5:11

“‘Leimamāngli nawui Proho Varewui ming masingpaimana; kaja aremali awui ming kasinga chili Prohona khayon mamila thāda machihomara.

KHALATLUI 5:18

“‘Maphophāpaimana.

KHALATLUI 5:19

“‘Maleepaimana.

1 THESSALONICANAO 2:15

Jihudibingna Proho Jishulila, marānbinglila shaothata, ithumlila rekhareka kala Vareli malungvāt ngasaka kala mi saikorali mamayāmana.

PHONGKHAMI 17:6

sha̱naopava̱ chi kathara mibingwui ashee kala Jishuwui vang khamashung khangarong eina thimi kahaibingwui ashee mangda mariprei eina khalei ina thei. Ina ali kathei tharan I matakhakhaowa.