HOSEA 4:1 - Kathara Bible (BSI)

¹ Prohowui tui nganālu, O, Israelnaobing! kaja Prohona ngalei chili kapam mibingli mamayākhangai lei. Shitkasang katong kala lumashankathei maleimana, kala ngalei chiwui alungli Vareli kathei maleimana;

HOSEA 4:1 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

LAA 81:9

Nathumwui ngachaili makathei varebing maleisāmara; yur kateiwui vareli makhorummara.

ISAIAH 1:10

Sodom ngalei khamunga nathum! Prohowui tui nganālu, Ithumwui Varewui hāngkachithei nganālu, Gomorrahwui mibing nathum!

ISAIAH 1:18

“Ralu, ithum bhab tāda ngazekrumkhuisa, da Prohona hānga: nathumwui morei hungpinghailala, horam thāda charshihaora; ashee thāda hungshihailala, sāhāh kachar thāhaora.

ISAIAH 28:14

Chiwui vang eina mashātkatheibing, Jerusalemwui mili khamungbing! Prohowui tui nganālu.

ISAIAH 34:1

Rānganailu, O yurbing; nganākhui khavai kala shākhui khavai O mibing, apuk-apagala, chiwui alungli khalei saikora shāserranu.

ISAIAH 34:8

Kaja Zionwui vang athut kakhui zimiksho, Prohona athut hāngsangkhami zingkum lei.

ISAIAH 5:3

Chieina ara, O Jerusalemwui ramnaobing, kala Judahwui mibing; athei yāmgui iniwui ngachaili bichar sāmilu.

ISAIAH 59:4

Khipakha mashun eina bicharli mavāmana, khipakha ningtharda ainli mavāmana; athumna arema kaphayatli chihamda kakapik tui matui, makaphā ning phaningpamda morei pharāshoka.

ISAIAH 59:8

Chingri kahai apong athumna matheimana, athumwui shongfali mashun maleimana; athumwui shongfa makhuikazam ngasaka, athumli khavābing chingri kahai masamphangmana.

ISAIAH 66:5

Prohowui tui nganālu, awui tuili kakathira nathum; “Imingwui vang ningkachaida nathumli horshok kahai nachinā ngarāna hānga, ‘Proholi tekmateiranu, chieina ithumnala nathumwui ringkaphā chi theira; kha maishi ngasakki kaji chi athumlina’.

JEREMIAH 11:7

Kaja Egypt ngaleiwui eina nashāvā ngarāli ina thānkashok tharan athumli ina hāngkharik kahaina; iwui tui nganālu da aja eina tangda hāngmathinching kaji hina.

JEREMIAH 19:3

Nana hāngra: “Prohowui tui nganālu, O Judahwui awungabing, kala Jerusalemwui mibing. Israelwui Vare, saikorawui Prohona hithāda hānga, Yanglu, apam hili ina chiyākha zakkashi ot shokngasakki kaji hi kashābingna khanā mathakra.

JEREMIAH 2:4

Prohowui tui nganālu, O Jacobwui shimkhur, kala Israelshi shimkhur saikora.

JEREMIAH 2:9

“Chiwui vang eina ina nathumli ngahātchingda lei, da Prohona hānga, nanao ngarāwui naongarālila ina ngahātra.

JEREMIAH 25:31

Okathui akatang vāshungda khavaokhon chi shāvāra; kaja, Prohona yurbingli makhamayā kaphen lei, kala ana phasā khavaia saikorali bichar sākhavai sāda lei, kala makhayā saikorali ana raighai eina shaothatra,’” da Prohona hānga.

JEREMIAH 34:4

Chithālala Prohowui tui nganālu, O Judahwui awunga Zedekiah! Nawui pongli Prohona hithāda hānga: Na raighai eina mathimara.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

JEREMIAH 5:4

Chieina ina hānga, “Athum hiya kachāmabingna, athum ning makhaleibingmānga; kaja athumna Prohowui apong kala Varewui ain matheimana.

JEREMIAH 51:5

Kaja Israel eina Judahli aniwui Vare saikorawui Prohona mahorhairanga; kha Chaldeawui ngalei, Israelwui Katharawui mangāli makhayāna pemtinghaira.

JEREMIAH 6:13

Kaja teomeithui kaje eina thuida reimeithui kaje eina tangda athumna makhamashunga tongzā khavai kāramsera; marān eina thuida pāngmon kāshungda, mamashungla sai.

JEREMIAH 7:28

Kala nana, athumwui Vare Prohowui khon makhanganā yur chi hina, hāngkachitheila makhuisangmana; khamashung shimānhaira. Chiwui pongli khangazek eina tangdala maleiluimana.”

JEREMIAH 9:20

“Nganāmilu, O sha̱naobing, Prohowui tui, akhamor eina kahāng tui nathumwui khanāna shākhuiranu; naongalāva̱ ngarāli chapchāt laa tamchitheilu, mi ava̱va̱na khongnainaoli sikafa laa tamchitheilu.

JEREMIAH 9:3

Athumwui malena malā thāda huna; khamashungwui vang maningla makhamashungna apam chili pangsanga, kaja athumna makaphāwui eina makaphāshong vai, kala athumna ili matheimana da Prohona hānga.

JEREMIAH 9:7

Chiwui vang, saikorawui Prohona hithāda hānga: “Yanglu, athumli ina samathakhuilaga chāng tamyangra, kaja chili lāngda iwui mibingwui vang ina khisaura?

EZEKIEL 16:35

“Chiwui vang eina O khayorva̱̱! Prohowui tui chi nganālu:

HOSEA 12:2

Prohona Judahwuitungli kaphen lei, kala Jacobli awui kasā athishurda tandi mira, kala ali sākahai athishurda athut khuira.

HOSEA 12:3

Naopamli leilakha ana amali pheimacha̱ yonkhui, kala mi kāshung kahai eina Vareli ngatuka.

HOSEA 5:1

Hi nganālu, O pāngmonbing! Khuisanglu, O Israelwui shimkhur! Nganāsanglu, O awungawui shimkhur! kaja bichar chi nathumwuina; kaja na Mizpahwui vang khalen ngasāhaira, kala Taborli khailan horror kahaina.

HOSEA 5:4

Athumwui otsakna Varewuili malatung ngasakmana. kaja athumwuili khayorva̱̱wui ning lei, kala athumna Proholi matheimana.

JOEL 1:2

Nganālu, O khararnaobing, shākhuilu, ngalei hiwui mibing saikora! Nathumwui atamlila, navā ngarāwui atamlila hikathā kashokhairala?

AMOS 3:1

Egyptwui eina ina thānkashoka O Israelwui mibing, kala shimkhur katonga, Prohona nathumli mamayāla kahāng tui chi nganālu:

AMOS 7:16

Chiwui vang eina Prohowui tui chi nganālu; Israelli makhamayā mamarānalu, kala Isaacwui shimkhurli makhamayā pao mahāshokalu da nana hāngdalei!

MICAH 6:2

Nganālu, phungreibing kala katang makhavaia okathuiwui shimphunga nathum Prohowui makhamayā tui nganālu, kaja Prohona awui mibingli makhamayā akha lei, kala ana Israelli ngasungra.

JOHN 8:55

Nathum ali matheilakranga, iya theihaira. Ina theihailaga matheimana jisi kaja ila nathum thada kakapikana. Kha iya ali thei kala awui kahāng nganai.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

1 CORINTHNAO 15:34

Mashun phākhuida morei masāluialu. Nathum kaikhana Vareli makatheiwui vang khayakvairanu da kahāngna.

PHONGKHAMI 2:11

“Manglāna churchbingli kahāng chi khanā kakaana nganākhuiranu! “Khayuiapa chili thikakhanena masāza̱rarmara.

PHONGKHAMI 2:29

“Manglāna churchbingli kahāng chi khanā kakaa a china nganākhuira̱nu!