HOSEA 3:5 - Kathara Bible (BSI)

⁵ Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

HOSEA 3:5 Iomraidhean Croise

1 WUNGNAOBING 12:16

Athumwui kapo chi makhuisangkhami theilaga Israel saikorana awungali hānga, “Davidshiwuili ithumwui yar khi leikhala? Jessewui naomayarawuili ithumna shimlui samphangkharān maleimana. Kachichashiwui shimli ungulu, O Israel! David, nala nasasakulu.” Chieina Israelnaobing kachichā shimli ungserhaowa.

ISAIAH 17:7

Chithanghon mibingna athumli Kasema chili khayāshira; kala athumwui mikna Israelwui Kathara chili yangra;

ISAIAH 2:2

Naoda hithāda rāshokra kaja Prohowui shimwui phungrei chi phungreibingwui ngachaili juimeikap kaje phungrei sāda sākāra; kala phungrābingwuitungli juimeira; kala yur saikora chili longsangra,

ISAIAH 2:3

kala yur kachungkhana rāda hāngra: “Ralu, ithum Prohowui phungreili, Jacobwui Varewui shimli kāsa; chieina ana ithumli awui apong tamchitheida ithumna awui shongfali zatra.” Kaja Zionwui eina ain chi shokra, kala Prohowui tui Jerusalemwui eina shokra.

ISAIAH 60:5

Chi nana theida mathānlākhaora, naning ringphāda mathānra; khikhalajila shamadruwui makhavāt chi nali ngareiungmira, kala yurbingwui lan nawuili rāserhaora.

ISAIAH 9:13

Mibingna athumli kashaowa chili malatungmana; kala saikorawui Proholi kaphāla maphāmana.

JEREMIAH 23:5

“Yanglu, Davidwui vang ina khangaronga Aphāng akha shokngasaki kaji atam chi rārāli, kala ana awunga sāda mungra kala thangmeilak eina sāra, kala ngalei hili mashun kala khangarong eina bichar sāmira.

JEREMIAH 30:24

Prohowui sākashi malungkhavāt chi mahanungluimara, awui ningli ngarān kahai chi makupchaoranglakha eina tangda. Khanā zimiksholi hi nathumna theishingkhuinaora.

JEREMIAH 30:9

Kha athumna athumwui Proho Vareli kala awunga Davidli, athumwui vang ina sakāmiki kaje chili otram ngatha̱ra.

JEREMIAH 33:17

Kaja Prohona hithāda hānga: Israel shimkhurwui wungpamkhongli chipam khavai Davidna mi akhala mavātmara,

JEREMIAH 33:9

Ina athumli kaphā sākhami chi kathei kashā okathuiwui miyur saikorawui mangāli, keinung hi iwui mingwui khamathān, masot kala tekhamatei ngasāra, ina khamathā sākhami kala mataisang khangasak saikora hiwui vang athumna ngacheeda kathirra.”

EZEKIEL 16:63

kala nawui kasāsā saikora ina pheomi kahai tharan, nana phaningungda matakhak khayāmalāthak eina khituikha mamatuimara” da Proho VAREna hānga.

EZEKIEL 38:16

iwui raimi Israelnaobingli, ngaleili muiyā khangapui thāda tāngararra. Khanaowa atamli ina nali khuirāda, iwui tharkhamathengwui vang zakshilāk eina athut khuingasakra, O Gog. Chieina yur saikorana I Varena kaji theikhuira.

EZEKIEL 38:8

Atam kasāngkhawui thili nali mathotkhuira; kala zingkum kasāngkhawui thili chingri eina khalei, mashikachina Israelwui phungreibingli yur ngatateidawui eina rakapāna kala chiwui mibing saikorali nana rai sāda kashamshokra, kala chingri eina pānra.

DANIEL 10:14

Kala naoda nawui mibingli khi shokra̱khala kaji nali hāngchithei khavai kharāna. Kaja khamahā hi rārāda khalei atamwui vāngna.”

DANIEL 2:28

kha ngathum kahai hāngmikashap Varivara akha kazingramli lei, kala ana Awunga Nebuchadnezzarli naoda rāshokki kaji chitheimihaira. Nana pida leilakha nawui kala mahākhami chi hina:

HOSEA 1:11

Kala Judahwui mibing eina Israelwui mibing kaziprumhaora kala athum khalattawui kathāna akha kapangra; kala athumna ngalei chili mungra, kaja Jezreelwui thot malinglakra.

HOSEA 11:10

Athumna Prohowui thi shurra, ana kazingkha̱ thāda khangangra; mha, ana khangangra, kala awui naobing kathirriri zimiktunshong eina ungra.

HOSEA 5:15

Athum khalattana khayon theikhuida ili maphākhuiranglakha eina tangda, kala athumwui kachot tharan ili maphaningungranglakha eina tangda, iwui shimli latunghaora.

HOSEA 5:6

Athumna Proholi phākhavai yaoshang, kala sha̱keibingli ngasoda phāra; kha masamphangmara; ana athumwui eina ngalanthuihaira.

HOSEA 6:1

Athumna hithāda hānga, “Ithumli sākazamhailala ana ngahākhuimi khavai, shaokazazamhailala ana ngafakhuimi khavai, ithum Proholi mai ngareiungluishitsa.

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

MICAH 4:1

Naoda hithāda shokra kaja Prohowui shimwui phungrei chi phungrei saikorawuitungli juimeithuida sakāra, phungrābingli juimei ngasakra; kala mibingna chili longsangra.

MISHĀN 24:14

“Yanglu, ara iwui mibingli ungura; kha mibing hina naoda nawui mibingli khi sarakhala kaji ina hangchitheika, rālu.”

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

KHALATLUI 4:30

Nathumna kachotkachāng samkaphang tharan, kala ot saikora hi nathumli naoda rākashung atam chitharan nathumna Proho Vareli latungda awui khon nganāra,