HOSEA 3:4 - Kathara Bible (BSI)

⁴ Kaja Israelnaobingna awunga, lah wungnao mavaila, pha̱kaphayāla, tarung, ephod kala teraphimla maleila atam kasāngkha sompamra.

HOSEA 3:4 Iomraidhean Croise

HAOKAPHOK 31:19

Laban yaohah chichāp khavai vāhairasai, chieina Rachelna avāva̱wui shim meoma̱ liphunghaowa.

HAOKAPHOK 31:34

Rachelna shimwui varebing chi khuilaga utwui sāpān eina farorlaga ana kāpamshānhaowa. Labanna kachonshim saikora chili phāyanga, kha masamphangmana.

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 SAMUEL 6:14

Kala Davidna khamanaka ephod neilaga Prohowui mangāli yāng eina pheichak sai.

2 WUNGNAOBING 23:24

Chili lāngda Prohowui shimwui eina Hilkiahna phākakhui lairikli kapi kahai athishurda sākhavai, Judah kala Jerusalem ngaleili leikasā khanongbing, leivā kasā, teraphim kala meoma̱, ningkakachai saikora Josiahna hormiserhaowa.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

SHONGZĀ 28:4

Athumna sāri chi hithāda sāra: thikom akha, ephod akha, katuma phahon khānkhanānga coat akha, kuitei akha, kala shanneira̱ akha sāra; athumna nachinā Aaron kala naongarā pāngmon sāda ili otram ngatha̱mi khavai kathara sāri sākhuira.

SHONGZĀ 28:6

Athumna sinā, khamayinga, hungrisi, hungshi kahai kala manakta hākakhui kazaira̱ eina kasā chonsāwui eina ephod mathālak kahai sākhuira.

CHAPCHĀT 2:9

Awui ngaveila ngaleili ngaphumhaira; marila akha̱ sāthuiserhaira; awui awunga kala wungnaobing miyurbingwui alungli lei; ainla maleiluimana, kala awui marānbingla Prohowui eina khamahā masamphangthura.

EZEKIEL 19:14

Apam eina mei chuishokta aphāngla atheila chuitāserhaira, chithāda khamakanga akungla maleilui, khamungawui khānthing maleiluimana. Hi malung kharing otna, chapngachā khavaina.

EZEKIEL 20:32

“Nathumna phaningda khalei, ‘Ithumla yurbingwui thāda sāsa, kha̱li khalei yurbingwui thāda thingli ngalungli khorumsa’ kaji chi maungshunglakmara.

EZEKIEL 21:21

Kaja Babylon awungana shongfa ngapakli nganinga, shongfa khani ngapak khavai haokaphokpamli khanongli kachishongrakhala da ngasan khavai, ana malāthing khanuka, teraphimli ngasana, ana amathinli yanga.

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

DANIEL 11:31

Awui eina raimibingna rāda khorum khavaishim, kala raipan sāmakhaora, kala rikkatāchigat chikatching kaje hanphut chila khuithuihaora. Kala chili shimān khavaiwui ningkakachai ot chi athumna sakāra.

DANIEL 12:11

“Machatlakla rikkatā kachigat chihohaida, shimān khavai ningkakachai ot sākaphok, atam khani hiwui ngachaili zimiksho thingkha shākhani hangchikothang leira.

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

HOSEA 13:10

Nali huimi khavai nawui awunga kali lei; nali ngākmi khavai nathumwui wungnaobing kali lei; “Ili awunga kala wungnaobing milu” da nathumna pokakhuiabing chi?

HOSEA 13:11

Malungvāt eina ina nathumli awunga mihaira, kala malungvāt eina athumli ina khuithuihaira.

HOSEA 2:11

Kala awui lumshilao saikora, awui zātkhān, awui changwok, sabbath; kala retkahai phanit saikora tangngasakhaora.

PĀNGMONSHI 8:7

Kala Mosesna Aaronli phahon ngavaimida shanneira̱la neimi, kala katuma phahon chila sangmida ephod ngavaimi, kala themlāk eina phorrei phorkasang ephod khara̱ chieina khalapshānmi.

ZECHARIAH 10:2

Kaja Teraphimna makakachanga tui matui, kameo khangasobing kapika, mang katheibingna kakapikmāng hānga, ninglum khavai hangphāphai. Chiwui vang eina mibingna yao thāda ma̱zata, yaokahoma maleithuda athumna khananga.

ZECHARIAH 13:2

“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui Prohona hānga,

LUKE 21:24

Athum kaikhali raighai eina shātthatra, khangateibingli narkahai rao sāda yur saikorali khuivāra; kala yur khangateibingna Jerusalemwuitungli naikazamra.”

JOHN 19:15

Athumna vaoda hānga, “Ali khuithuihaolu, ali khuithuihaolu, krushtungli shaoshānhaolu!” Pilatena hānga, “Nathumwui Awungali krushli shaoshān ngasakngaila?” Pāngmon akhokabingna ngahānkai, “Ithumwui awunga Caesar maningla khangatei maleimana.”

HEBREWNAO 10:26

Khamashung kaho chi theikahaiwui thili, sāphalungra da morei sāchingakha moreiwui vang pha̱kaphayā maleiluimana.

WUNGVA̱-WUNGVĀ 17:5

Kala Micahna khorum khavai khorumshim akha leisai, ana ephod akha eina meoma̱ akha da sākhuilaga chi mayon khavai anaomayara akhali pāngmon sāngasaka.

WUNGVA̱-WUNGVĀ 18:14

Chieina rida Laishli ngathumda akhayanga athum phangā china achinābingli hānga, “Nathum shim hili ephod, teraphim, chankakhui mima, heikakhui meoma̱ khalei chi theila? Chieina khi saakha phārakhala kaji machuklu?”

WUNGVA̱-WUNGVĀ 8:27

Chieina Gideonna ephod akha sākhuilaga awui keinung Ophrahli haihai; kha Israel saikorana khayorva̱wui otsak sāda Gideonli kala awui shimkhurwui vang china phei ngaphok khavai sāthuihaowa.

1 SAMUEL 14:3

kala Ahitubwui naomayara Ahijah, Ichabodwui agato Phinehaswui naomayara, Eliwui naomayara, Prohowui pāngmon, ephod ngavaida Shilohli leisai. Kala mibingna Jonathan thuihaira da matheimana.

1 SAMUEL 15:23

Kaja ngakaikashi hi khanong khayang kathāna, kala nurkhangahar hi meoma̱li khokharum kathāna. Khikhalajila nana Prohowui tui makhuikasangwui vang, Prohonala nali awunga sākhavai mamayāthura.”

1 SAMUEL 2:18

Samuelna nganuilakha eina thuida khamenga kachon eina kasā ephod ngavaida Prohowui sheba sai.

1 SAMUEL 21:9

Chieina pāngmon china hānga, “Elahwui tampākli nana shaokathata Philistinepa Goliathwui raighai chi leili; kachon eina romlaga ephodwui akhanukshong haidalei; nana khuiga jiakha chi khuilu, khangatei maleimana.” Chieina Davidna “Chili phākhamei maleimana; khuirālu” da hānga.

1 SAMUEL 22:18

Chieina awungana Edompa Doegli hānga, “Pāngmonbingli nana sāthathaolu.” Chieina Edompa Doegna vāda pāngmonbing chili sāthathaowa, kala ana chithang, khamanaka ephod khangavai pāngmon hangchishatta phangā sāthata.

1 SAMUEL 23:6

Keilahli leilakha Ahimelechwui naomayara Abiatharna Davidwuili yāmkhavā tharan, ana ephod akha khuivai.

1 SAMUEL 23:9

Saulna ali makaphā sākhavai ngarānhaira kaji Davidna theihaoda pāngmon Abiatharli, “Ephod khuirālu” da hānga.

1 SAMUEL 30:7

Kala Davidna pāngmon Abiathar, Ahimelechwui naomayarali, “Ephod khuirālu” da kasoi. Chieina Abiatharna Davidli ephod chi khuivāmi.