HOSEA 2:8 - Kathara Bible (BSI)

⁸ Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

HOSEA 2:8 Iomraidhean Croise

1 THOTRINCHĀN 29:16

O Proho, ithumwui Vare, kathara namingwui vang, kala nawui shim sākhavai ithumwui khalalei kachigat hi nawui eina samkaphangna, kala nawuisera.

JOBWUI LAIRIK 19:8

Ana iwui shongpong ngaveikhamhaida makanpaithuwa, kala iwui apong tangmang ngasakhaowa.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

ISAIAH 46:6

Lupākhaowui eina sina pāngtongda khuikashokbing, kala lupāsa tamkhavaili onkashok bingna; sina kasā mili masākhui kala ana vare akha sākhui; chiwui thili athumna ngakhumshāmhaida khoruma!

JEREMIAH 7:18

Naongarāna thing phākhui, avāva̱ ngarāna mei sai, preiva̱bingna kazing philāva̱wui vang khamui nai; kala ili malung thuida malungvāt khavai athumna vare khangateili ra̱kharek kharektai.

EZEKIEL 23:41

Pamkhong khamathā mashonshei kahaili pama, mangāli table runghaida chiwuitungli iwui nganamkaphā ot kala thao ayuryur haihai.

DANIEL 3:1

Awunga Nebuchadnezzarna sinā eina mima̱ kahakva̱ akha sākhui: mima̱ chi khuining hangtharuk juiya, kala kahak khuining tharuka. Kala Babylon leikhai Dura kaho tampākli hai.

DANIEL 5:23

kha kazingramwui Proholi mamayāla na khalatta langsoi, kala Khorumshimli kahai khorkhong singlaga na, wungnaobing, napreiva̱ ngarā kala angashirva ngarā drakhāra̱ mangda, sinā, lupā, pithrai, kori, mari, thing kala ngalung eina sākakhui mik makathei, khanā makashā vareli khorumlaga nali nganaokhame thangkachida thānkhame Vare chili khayā mashimana.

HOSEA 10:1

Israel hiya hekmaheilak kahaia athei khamatheia drakhārongna. Awui athei chungmeimamān, awui hanphut chungmei sakai; awui ngalei haksangmamān awui pakra̱ chungsangmamāna.

HOSEA 13:1

Ephraimna khamatui tharan mibingna kathirra; ali Israelwui alungli sochikatsai; kha ana Baalwui vang eina khayon sāhaida thihaowa.

HOSEA 13:2

Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

HOSEA 2:5

Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

HOSEA 4:11

Zamna, zamsheina theishingkakhui shimān ngasaka.

HOSEA 8:4

Athumna awungabing kapangsanga, kha iwui eina maningmana. Wungnaobing kapangshoka, kha iwui kaphaning makhuimana. Athum khalatta shimān khavai lupāsā kala sinā eina meoma̱ sākhui,

HABAKKUK 1:16

Chiwui vang ana khailanli pha̱kaphayā sai, kala awui khailan kahakali nganamkaphā riktai; kaja ana chiwui mangā eina ringphāda okathuina; kala awui kashakazā khamathāthāmānga.

LUKE 15:13

Zimiksho khani kathumthangwui thili ana awui shimluiyar yorkhuiserhailaga pheisā chi khuiphungda ngalei katāva̱ akhali thuihaowa. Apam chili sopmasaplak eina okthuilaga awui lan saikora sākasakserhaowa.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

KHALATLUI 8:18

Proho nathumwui Vareli phaningunglu, kaja nathumli shāng khavai pangshap khami chi ana; kaja aja zimiksho navā ngarāli ngashit kahai chi leiching khavaina.

WUNGVA̱-WUNGVĀ 9:27

Kala athumna luili drakhāthei aphākhuida surlaga morsonga, khorumshimlila akhorumlaga phāshak-phazāda Abimelechwuitungli manganākhangai tui kachungkha matui.