HOSEA 2:6 - Kathara Bible (BSI)

⁶ Chiwui vang awui shongfa ina ka̱shat eina sāphinmihaora, kala ina ali phākho ngaveiphinmihaida awui shongfa maphākhuirarmara.

HOSEA 2:6 Iomraidhean Croise

JOBWUI LAIRIK 19:8

Ana iwui shongpong ngaveikhamhaida makanpaithuwa, kala iwui apong tangmang ngasakhaowa.

JOBWUI LAIRIK 3:23

Shongfa thummi kahaiya, kala Varena ngaveikham kahaia mi chili khisāda kahor misākhala?

LUKE 19:43

kaja nathumwuitungli ka̱lākashi atam chi rārāsāra, chitharan nathumwui yangkashebingna raipan sālaga rākuinamhaora kala achithek kachiva̱wui eina muirāra.

2 CORINTHNAO 12:7

Phongkhami kachungkha ina kathei chiwui vang I khalatta sotmasaohaipaishina da hapkhano khavai iwui phasāli ka̱shāt kathā, Satanwui khutlai chi tophummihai.

JEREMIAH 18:15

Kha iwui mibingna ili malaihaira; athumna makhaninga varebingli nganamkaphā riktai; achālakhawui shongfabing chili athum phei ngaphokhaowa, chānrei horhaida shongchonli thuihaowa.

HOSEA 9:6

Kaja yanglu, athum Assyriali vāki jiura, Egyptna athumli kazipkhuira, Memphisna athumli chifara. Lenghuina athumwui sinā lupā khuithuihaora, athumwui kachonshim ka̱shat phormithaora.

HOSEA 10:8

Israelwui morei, Avenwui kajuipapam, sākazamhaora. Ka̱shāt-ka̱reng athumwui hanphutungli phorhaora; kala athumna phungreibingli, ithumli farorlu da hāngra, kala phungrābingli, ithumli minrorlu jira.

ISAIAH 57:3

Kha, laivā kathemawui naobing, nathum hili rānganailu, shāmkasā kala khayorva̱̱wui ara̱-azābing.