HOSEA 2:5 - Kathara Bible (BSI)

⁵ Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

HOSEA 2:5 Iomraidhean Croise

ISAIAH 1:21

Ningtongda shitkasanga keinung chi kathāda khayorva̱̱ sha̱nao ngasāhaokhala, mashuna kapemva̱ chi! Khamashung khangarong ali ngasāmkhuisai, kha ara khayumabingmānghaira.

ISAIAH 50:1

Hithāda Prohona hānga: “Nava̱li ina chiho khavai kapāngwui lairik kali lei? Lha, iwui kachishuta khipāwui pangli nali ina yorsanghao? Yanglu, nawui khayonkhamāngwui vang nali yorkahaina, kala nawui khalāngwui vang nava̱li ina chiho kahaina.

JEREMIAH 11:13

Kaja nathumwui varebing keinung ngayāhaira, O Judah; kala homahā khavai, kaja Baalli thao riktā khavai hanphut, Jerusalemwui shongfa chārinda peihaira.

JEREMIAH 13:22

Khiwui vang ili hikathā ot rāshokhao? da nathumwui ningli phaningakha, nathumwui morei chungnā sākahaiwui vang, nathumwui kashan lānmi kahaina, kala kachotkachāng samkaphangna.

JEREMIAH 2:20

“Kaja nathumna nathumwui langkon sāshatta, nar kahaiwui eina shok kahai atam kasāngkhahaira; kala nathumna, ‘I otram mangatha̱luimara’ da hānga. Mha, kaphung kajuitung kachiva̱li, khamatek thingrongphei kachiva̱li khayorva̱ thāda khoruma.

JEREMIAH 6:8

O Jerusalem, ningngasharlu, I nawui eina latthuihaipaishina, maningakha ina nathumli masaimihaida ngalei hi ramcho ngasakhaipaishina”.

EZEKIEL 16:35

“Chiwui vang eina O khayorva̱̱! Prohowui tui chi nganālu:

EZEKIEL 16:39

Kala ina nali nawui leikashebingwui pāngli horsangmira, kala athumna nawui shungtit kahai kā kala khamasopambingli sākahai apam saikora athumna sākazamihaora, athumna nawui kashankachon eina sāri khamathāthā ngapaikhuida nali khamahong eina haira.

EZEKIEL 16:4

Nali pharāthang nahaitongkhara̱ khipanakha mareoshatmana, lah mara̱vaimimana, machi einala manurmimana, naokhalui einala makhaluimimana.

HOSEA 1:2

Prohona Hoseali rimeikapta khangazek tharan, Prohona ali hānga, “Vālu, laga napreiva̱̱ sākhavai khayorva̱̱ sha̱nao akha akhuilu, kala khayorva̱̱wui nao pharākhuilu, khikhalajila ngalei hina Proholi horhailaga hakmahāmeikap kaji khayorva̱̱wui ot sāhaira.”

HOSEA 2:2

Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

HOSEA 2:8

Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

HOSEA 3:1

Kala Prohona ili hānga, “Nana valuishitta shuikhangarui mi akhana leikashi phokaphava̱ akhali leishilu; chithāda Israelnaobingna vare kateibingli ngareivāhailala kala drakhātheikaowui khamuili kahaothui hailala Prohona leishichinga.”

HOSEA 4:5

Na ngashunshong kongluira, marānla nali ngasoda ngayāshong kongluira; kala nashāva̱li ina shimān ngasakhaora.

HOSEA 8:9

Kaja athum Assyriali vāhaira, kharar sigui thāda ngachakyāng eina zatta lei; Ephraimna leikashebing masākhuihaira.

HOSEA 9:10

lamhāngwui drakhāthei thāda, ina Israelli samphanga. Matheikhare khaorāthei thāda ina nashāvā ngarāli thei. Kha athumna Baal-peorli vāda Baal varebing mangāli athum khalatta tharchigata; kala athumna ningkachānga ot thāda athumla ningkachaihaowa.

AMOS 8:13

Chithanghon lāshiyoyo kala yarshoshova̱, ra̱kachangwui vang vānra.

WUNGVA̱-WUNGVĀ 16:23

Philistinewui wungnaobingna athumwui vare Dagonli haklak kahai pha̱kaphayā akha sāda ringpha ngarum khavai kazipa; kaja athumna hānga, “Ithumwui yangkashe Samsonli ithumwui varena ithumwui pāngli horsangmihaira.”