HOSEA 2:2 - Kathara Bible (BSI)

² Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

HOSEA 2:2 Iomraidhean Croise

ISAIAH 11:12

Miyurbingwui vang machut khavai ana akha shokngasakra; Israelwui ngakhei kahaibing chili kazipkhuira, Judahwui ngapha̱yāng kahaibing chili kazipkhuira, okathui achikun matiwui eina.

ISAIAH 50:1

Hithāda Prohona hānga: “Nava̱li ina chiho khavai kapāngwui lairik kali lei? Lha, iwui kachishuta khipāwui pangli nali ina yorsanghao? Yanglu, nawui khayonkhamāngwui vang nali yorkahaina, kala nawui khalāngwui vang nava̱li ina chiho kahaina.

ISAIAH 58:1

“Pangda vaolu, nakhon talla̱ kakhong thāda vaolu; iwui mibingwui khayon phongmilu, athumwui morei, Jacobshi shimkhurli.

JEREMIAH 19:3

Nana hāngra: “Prohowui tui nganālu, O Judahwui awungabing, kala Jerusalemwui mibing. Israelwui Vare, saikorawui Prohona hithāda hānga, Yanglu, apam hili ina chiyākha zakkashi ot shokngasakki kaji hi kashābingna khanā mathakra.

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:13

Na nawui Vare Proholi ngakaishihaira, nawui ningkachāng khamateka thingphei kachida kha̱mibingli chaizathaira, kala na iwui akhon manganāthuwa, kaji himang mayālu, da Prohona hānga.

JEREMIAH 3:18

Chitharan Judahna Israelli ungngashikluira kala ani ngarumda atunshongwui ngalei eina, ina navāngarāli shimluikat sāda mikahai ngalei chili apamra.

EZEKIEL 16:20

“Kala iwui vang nana pharākhami inaongalāva̱ naomayarabing pha̱phayā khavai riktai. Nawui khayorwui otsak hi teonāhaida

EZEKIEL 16:25

shongfaphei kachida khamasopam sakhuilaga chili nawui khamathā chi yorpama, rākakān kachivali mayāmida khayorva̱wui otsak mataisanga.

EZEKIEL 20:4

“Athumli nana bichar saralā, miwui naomayara, athumli nana bichar sarala? Chithākha athumwui avāva̱ ngarāwui ningkakachai otsak chi theiranu,

EZEKIEL 23:43

Chieina ina hānga, Ali khangashāmbing hila phokaphā maningmala?

EZEKIEL 23:45

Kha khangarongbingna athumwuitungli phokaphāwui shongrān lāngra, sha̱naona ashee tākhangasakwui shongrān eina; kaja ani phokaphā sha̱naona, kala aniwuitungli ashee lei.”

HOSEA 1:2

Prohona Hoseali rimeikapta khangazek tharan, Prohona ali hānga, “Vālu, laga napreiva̱̱ sākhavai khayorva̱̱ sha̱nao akha akhuilu, kala khayorva̱̱wui nao pharākhuilu, khikhalajila ngalei hina Proholi horhailaga hakmahāmeikap kaji khayorva̱̱wui ot sāhaira.”

HOSEA 2:1

Nachinā, “Ammi” (iwui mibing) kala nazarva̱ “Ruhamah” (Lukhamashan samphanghaira)li hānglu,

HOSEA 2:5

Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

HOSEA 4:5

Na ngashunshong kongluira, marānla nali ngasoda ngayāshong kongluira; kala nashāva̱li ina shimān ngasakhaora.

MICAH 2:13

Raipan shokhame china mangāli zatra; athumna sakhailaga ngavei kānzangra, chieina shokluira. Athumwui awunga Prohona mangāli rida zatra,

2 CORINTHNAO 5:16

Chiwui vang eina ithumna ara okathuiwui ningphanin eina mi khipālikha maphaningluimana. Atam akhali Khristali okathuiwui ningphanin eina phaningsai, kha ara chithada maphaningluimana.