HOSEA 13:2 - Kathara Bible (BSI)

² Kala ara athumna morei chungmeida sākhangai sai, athum khalattawui vang meoma̱ sākhui, themlak eina lupāsā eina meoma̱ sākhui, saikora chi them kathembingwui pāngotna. Hibingli pha̱phayālu da athumna hānga, mibingna seinaobingli maya̱ya.

HOSEA 13:2 Iomraidhean Croise

1 WUNGNAOBING 19:18

Chithālala Israelwui alungli, Baalli khuktida makhorumlak kaje, kala khamor mangasunlak kaje mi thingshini haisara.”

2 THOTRINCHĀN 28:13

“Nathumna tukkaphungbing chi hili makhuirāpaimara, kaja ithumwui morei kala khayon khamāng hili ngaror khavai Prohowuitungli khayonkhamāng khuirā khavai kasāna. Kaja ithumwui khayon khamāng chi haklakhaira, kala Israelwuitungli malungkakang haklak kahai leihaira.”

2 THOTRINCHĀN 33:23

Avāva̱ Manassehna Prohowui mangāli ningngateida hamkasang chithāda masāla Amonna zakshikhamei morei sākhangai sai.

LAA 2:12

apheili maya̱lu, maningakha a malungvāthaida, nathum kashuirak thipaishina; kaja a malung thuithaklāka. Ali ngayinkakhuibing sokhamina.

ISAIAH 1:5

Nathumna ngakaishichinghaoda shaochingrala? Kui kazānahaira, kala ning thengchaohaira.

ISAIAH 30:1

Prohona hānga: “Ngakaikashe naobing chi kalākashi ngasāranu! Athumna khangarān akha sai, kha iwui maningmana; athumna long akha sai, kha imanglāwui maningmana athumna moreitungli morei ngarumsang khavai sai.

ISAIAH 44:11

Yanglu, awui ngasotabing chili khayak ngasakra, them kathembingla mikumomaya; athum saikora rākazipranu, rānganingranu, ngacheera, khayakrumra.

ISAIAH 45:20

“Nathum khalatta kazipkhuilaga rālu, rānganaingarumlu, miyurbingwui thinengbing! Athum theikhuikathei maleimana, thing meoma̱ phungkazatabing athum, kala mahuimikharara meoma̱ chili khorumpama.

ISAIAH 46:6

Lupākhaowui eina sina pāngtongda khuikashokbing, kala lupāsa tamkhavaili onkashok bingna; sina kasā mili masākhui kala ana vare akha sākhui; chiwui thili athumna ngakhumshāmhaida khoruma!

ISAIAH 46:8

“Hi phaningkhuida majuklu, khalāng ot kasābing, hi ningli phaningkhuilu.

JEREMIAH 10:4

Mibingna chili lupasā kala sinā eina heirora; mangatha̱ khavai athumna chi yāmkarnao eina yotpi shaoshāntithai.

JEREMIAH 10:8

Athumva mangkhama̱, kala wurkazomānga; meoma̱bingwui tamkachithei chiya khikha makhaning thingna!

JEREMIAH 8:5

Chithākha mibing hina khisāda khangui pongli sa̱na̱ungchinghaokhala? Kakapikli akachanga sāda athumna malatungngaiki jihao.

HOSEA 10:1

Israel hiya hekmaheilak kahaia athei khamatheia drakhārongna. Awui athei chungmeimamān, awui hanphut chungmei sakai; awui ngalei haksangmamān awui pakra̱ chungsangmamāna.

HOSEA 10:5

Samariali kapama mibingna Bethavenwui seinaowui vang kathira. Chiwui mibingna chiwui vang chapra, kala meoma̱li khokharuma pāngmonbingna chapngachāra, pākthui kahai tekhamatei chiwui vang.

HOSEA 11:2

Ina athumli chungmeida ho, athumna iwui eina tāmeimamānda yāma; athumna Baalli pha̱phayāpama, kala meoma̱li nganamkaphā riktāpama.

HOSEA 11:6

Raikhai eina athumwui keinung kaira, ngaveiwui mari kānmihaora, kala raipanwui alungli athumli shaiserhaora.

HOSEA 14:3

Assyriana ithumli mahuimara, ithumna siguitungli matongmara kala pāng eina sākakhui chili ‘Ithumwui Vare’ maholuimara. Nawuili marānaobingna lukhamashan samphanga.”

HOSEA 2:8

Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

HOSEA 4:17

Ephraim meoma̱li ngarumhaira, aningkhānranu.

HOSEA 8:4

Athumna awungabing kapangsanga, kha iwui eina maningmana. Wungnaobing kapangshoka, kha iwui kaphaning makhuimana. Athum khalatta shimān khavai lupāsā kala sinā eina meoma̱ sākhui,

HOSEA 8:5

Ina nawui seinao khalanhaira, O Samaria. Athumli iwui malungkhavāt chuida lei. Athum tharki kaji karankha leirakhala

HOSEA 8:6

Israelli? Them kathema akhana sākakhuina, chi Varivara maningmana, Samariawui seinao chi akha̱ sāmihaora.

MISHĀN 32:14

Kala yanglu, navā ngarāwui mahut, morei kaphungbingwui mithot nathum shokrali, hieina Prohowui malungkhavāt chi Israelwuitungli mataimeida tāra!

ROMNAO 11:4

Varena ali khi ngahānkākhala? “Ina Baal kameoli makhokharuma mi thingshini iwui vang kaziphaida lei.”

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

2 TIMOTHY 3:13

Makaphā kala sākharekbing chi zakshikhangai zakshimamānra, kateili chipatra, athum khalattala chipatra.

1 SAMUEL 10:1

Chiwui thili Samuelna thaokhong akha khuishoklaga Saulwui akuili chi heirora, kala ali maya̱khuida hānga, “Awui yur Israelwui wungnao sākhavai Prohona nali neokhami maningmala? Prohowui yurbingwuitungli nana mungra, kala kuimareida khalei athumwui yangkashebingwui pāng eina nana kanmira, kala hina nali khudam sāra kaja awui shimlui tungli wungnao sākhavai Prohona nali thao neomi kahaina.