HOSEA 12:3 - Kathara Bible (BSI)

³ Naopamli leilakha ana amali pheimacha̱ yonkhui, kala mi kāshung kahai eina Vareli ngatuka.

HOSEA 12:3 Iomraidhean Croise

HAOKAPHOK 25:26

Chiwui thili agato pharāshoka, kala ana Esauwui pheimaja̱li singda tai; chieina awui ming Jacob hoi. Anili kapharā tharān avāva̱ Isaacwui kum hangtharuk kāhairasai.

2 WUNGNAOBING 17:18

Chiwui vang Prohona Israelli malungvātnahaida awui mikyanwui eina horhaida; Judahwui shang maningla khangatei maleisāmana.

2 WUNGNAOBING 17:20

Chieina Prohona Israelwui ara̱-azā saikorali mamayāthuwa, kala chotchāng ngasakta awui mangāwui eina ayarli mahorhaichaoranglakha eina tangda shimān khangasakbingwui pāngli horsangmihaowa.

2 WUNGNAOBING 17:23

Awui rao marānbingli hāngmi khangasak athishurda Prohona awui mikyanwui eina Israelli horhaichao majiranglakha eina tangda Israelnaobingna ning mangateimana. Chiwui vang Assyriali kashamvāhaida Israelnaobing aja eina tangda chili pamda lei.

JEREMIAH 2:9

“Chiwui vang eina ina nathumli ngahātchingda lei, da Prohona hānga, nanao ngarāwui naongarālila ina ngahātra.

EZEKIEL 7:3

“Ara khangachang nathumwuitungli rāhaira, kala iwui malungkhavāt nathumwuitungli chihorāra, kala nathumwui ningkakachai otsak chiwui vang ina tandi mira.

EZEKIEL 7:8

“Ara iwui malungkhavāt nathumwuitungli tāra, lungthot eina ngasoda nathumwui otsak athishurda bichar sāra; kala ningkakachai ot saikorawui vang tandi mira.

HOSEA 4:1

Prohowui tui nganālu, O, Israelnaobing! kaja Prohona ngalei chili kapam mibingli mamayākhangai lei. Shitkasang katong kala lumashankathei maleimana, kala ngalei chiwui alungli Vareli kathei maleimana;

HOSEA 4:9

Kala mibinglila, pāngmonbinglila ina athumli ngaraichāda tandi mira, kala athumwui otsak athishurda kachichāwui sāman mira.

AMOS 2:4

Prohona hithāda hānga: “Judahwui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Prohowui ain chi makhuisangmana, kala awui shiyan mamayonmana; kha avāva̱ ngarāna kazat athishurda athumwui kakapikna ma̱thuingasakhaira.

MICAH 6:2

Nganālu, phungreibing kala katang makhavaia okathuiwui shimphunga nathum Prohowui makhamayā tui nganālu, kaja Prohona awui mibingli makhamayā akha lei, kala ana Israelli ngasungra.

ROMNAO 9:11

Kha nao akhali kapangkakhui china Varewui kaphaning ungshungchao khavai sha̱nao chili Varena hithada hānga, “Khararrana khanganoli otram ngatha̱mira.”