HOSEA 10:2 - Kathara Bible (BSI)

² Athumwui wuklung chi makhamashungana; ara khayon chi athum khalatta phungphalungra. Prohona athumwui hanphut sākhaira, kala athumwui pakra̱ sākazamhaora.

HOSEA 10:2 Iomraidhean Croise

1 WUNGNAOBING 18:21

Elijahna mibing saikorawui ngalemli vāda hānga, “Tuipong khaniwui ngachaili, kachipa khamashungakhala da nathum karankha ngayeifarakhala? Proho hi Varena jiakha, ali shurlu; kha Baalna jiakha ali shur jilu.” Chili mibingna khikhala mangahānkāthuwa.

SHONGZĀ 23:24

athumwui varebingli makhorumpaimara, lah otramla mangatha̱paimara, athumwui kasā thadala masāpaimara, kha saikora chi sākazammiserhaida pākra̱ eina tangda akha̱ sāngasaklu.

CHĀNSAM 11:18

Makhayaa mina kakapika ngalangman pheikhui, kha khamashung khangaronga khayao mi china makahatlak kaji sāman samphanga.

ISAIAH 44:18

Athumna matheimana, theikhavai kaphāla maphāmana; kaja mathei khavai ana athumwui mik sāphinmihaowa, kala bhap tākhui khavai ning shungmihaowa.

JEREMIAH 43:13

Egyptli khalei Helio-poliswui chikhurbing chila sātekmihaora, Egyptwui varebingwui shimla mei sa̱tāmihaora.”

EZEKIEL 14:5

chiya iwui eina mai ngareithui kahai meoma̱li kaphaninga Israelwui shimkhurli tandi mikhavaina.

HOSEA 12:11

Gileadli khayonkhamāng leiakha, athum makahatlākla khikha makhaninga ngasāra, Gilgalli athumna mukkā pha̱phayaakha, athumwui hanphut chila luiwui rashongli lungkhor khor kahai thahaora.

HOSEA 13:16

Samariana awui khayon chi phungra, kaja ana awui Vareli ngakaishihaira, athum raighaili pitāra, athumwui kateowabing ngaphitkazamhaora, kala naokhavaiya sha̱naobing rāmphutmihaora.

HOSEA 3:4

Kaja Israelnaobingna awunga, lah wungnao mavaila, pha̱kaphayāla, tarung, ephod kala teraphimla maleila atam kasāngkha sompamra.

HOSEA 7:8

Ephraimna yurbingli manātpama; Ephraim hiya makhamina khamuina.

PĀNGMONSHI 26:30

Kala nathumwui khorum khavai kajuipam katathaida nganamkaphā hanphutla sākazamhaora, kala nathumwui kathingun meoma̱tungli ngashomda herhaira, kala imanglāna nathumli ningkachaira.

MICAH 5:13

kala ina nawui meoma̱bing, kala nawui lungshombing sāshimānhaora, nawui pāng eina sākakhui ot chili nana makhorumluimara;

ZEPHANIAH 1:5

shimtungli kānganinglaga zimik kachāng sirāli khokharumbing; Prohowui mingli mingzailala Milcomwui ming eina shākhi kasābing;

ZECHARIAH 13:2

“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui Prohona hānga,

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

LUKE 16:13

“Rao akhana akhavā khanili otram mangatha̱paimana; kaja ana akhali yangkharinglaga akhapali leishira, maningakha akhali mashitlaga akhapāli ningkachaira. Nathumna Vare eina okathuiwui lanli otram mangatha̱rumpaimana.”

JAMES 1:8

Kaja a chiya ning khani sāda otsak kachida hilaka kaji makhalei mina.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

1 JOHN 2:15

Okathui kala chiwui alungli khalei otbing chili maleishialu. Nathumna okathuili leishiakha Avāva̱li maleishimana.

1 SAMUEL 5:4

Kha akhama kathā ngathorthakva̱ ayanglui kaji eina, yanglu, Prohowui oko mangāli ngakhumshāmhaida Dagon angunmāng leisai; kaja akuila, apangla katatshokhailaga khāmongpheili leisai.