HOSEA 1:7 - Kathara Bible (BSI)

⁷ Kha ina Judahwui shimkhurli lumashanra kala athumwui Vare Prohowui mangā eina ina athumli kanshokmira; ina athumli malā eina nilala, raighai eina nilala, rai kasā eina nilala, sigui eina nilala, sigui katongbing einala kanshokki kaji maningmana.”

HOSEA 1:7 Iomraidhean Croise

2 WUNGNAOBING 19:29

“Kala hina nawui vang machut ngasāra: ajakum khalatta kakharwui eina zāra, kakhane kum chiwui eina shonkashok chi zāra; chiwui thili kakathuma kum, yaora kala hātra kala drakhārong lingsangda chiwui athei nathumna shaira.

2 WUNGNAOBING 19:34

Kaja I khalattawui vang kala iwui rao Davidwui vang ina keinung hi kankhuiki kajina.”

2 WUNGNAOBING 19:35

Chithang ngayā Prohowui kazingrao china vāda Assyria mibingwui rāmrahli mi lakh akha thing hangchishatta phangā sāthathaowa. Ngathorthak kathui tharan yanglu, kathingun ngasāserhairasai.

2 WUNGNAOBING 6:18

Kala Syriawui mibingna awuishong rākatā tharan, Elishana Proholi seihā sāda hānga, “Athumli mik ngapeomihaolu.” Chiwui thili Elishana seihā kasā athishurda athumli mik ngapeomiserhaowa.

LAA 33:16

Awungali awui shipai kachungna kankakhui maningmana, raikapingala awui yāng eina khayui maningmana.

LAA 44:7

Kha yangkashebingwui eina nana ithumli huimi, kala ithumli yangkakharingbingli nana pa̱khangapā sangmi.

SHONGZĀ 14:13

Kha Mosesna mibingli hānga, “Mangacheealu, nganingshinglu, laga aja Prohona nathumli kanmiki kaji chi yanglu; kaja aja nathumna kathei Egyptnaobing hi nathum matheiluilakmara.

SHONGZĀ 14:30

Chithāda sāda chithang, Egyptnaobingwui pāng eina Prohona Israelnaobingli kanmi; kala Israelnaobingna ngayipheili Egyptnaobing kathi chi thei.

ISAIAH 12:2

Yanglu, Vare iwui huikhamena, ina shitsangda mangacheemara; kaja Proho VARE iwui yāngna kala iwui laana; kala ana iwui huikhame ngasāhaira.

ISAIAH 30:18

Chiwui vang eina Prohona nathumli lumashanmi khavai ngaraida lei; chiwui vang eina lukhamashan chithei khavai akhalatta khāngchikata. Kaja Vare hiya mashunwui Varena; ali khangaraibing kalā mahai.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

JEREMIAH 25:5

Athumna hānga, nathum kachichāwui makhayā apongwui eina kala khangui otsakwui eina latunglu, kala nathumli kala navā ngarāli khare eina katang mavaila mikahai ngalei chili ungpamlu;

JEREMIAH 25:6

khangatei varebingli otram ngatha̱ khavai kala khorum khavai mashuralu, kala nathumwui pāngthem einala I malungvāt khavai masālu. Chithakha ina sākashi masāmara.

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

HOSEA 1:8

Lo-ruhamahna na̱ reikahaiwui thili nao vaida mayarnao akha pharai.

HOSEA 11:12

Ephraimna ili kakapik eina kuinamhaira, kala Israel shimkhurna kachipat eina, kha Judahli arui eina tangda Varena theimi, kala ana Katharali khayāshi.

ZECHARIAH 4:6

Chiwui thili ana ili hānga, “Hi Prohona Zerubbabelli kahāng tuina: yāng einala maningma, pangshap einala maningmana, kha iwui Manglā eina kasāna, da saikorawui Prohona hānga.

1 SAMUEL 17:47

kala hili kazipta khaleibingna, Prohona raighai eina kala kazei eina kankhami maningmana, kaji theikhuira; kaja hi Prohowui raina, ana nathumli ithumwui pāngli horsangmira.”