HOSEA 1:6 - Kathara Bible (BSI)

⁶ Ana nao akha vailuishitta sha̱nao akha pharai. Kala Prohona ali hānga, “Awui ming Loruhamah holu, khikhalajila ina Israelwui shimkhurli pheomi khavai malumashanluilakmara.

HOSEA 1:6 Iomraidhean Croise

2 WUNGNAOBING 17:20

Chieina Prohona Israelwui ara̱-azā saikorali mamayāthuwa, kala chotchāng ngasakta awui mangāwui eina ayarli mahorhaichaoranglakha eina tangda shimān khangasakbingwui pāngli horsangmihaowa.

2 WUNGNAOBING 17:6

Hosheana mungda kachiko kum, Assyriawui awungana Samaria khuihaowa, kala Israelwui mibingli tukungserhaida athumli Halahli, Gozanwui kongphei Haborli, Medenaobingwui keinung keinungli chipamvāhaowa.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

HOSEA 1:8

Lo-ruhamahna na̱ reikahaiwui thili nao vaida mayarnao akha pharai.

HOSEA 2:23

Kala ali ina iwui vang ngalei chili yaosangra, malumashankasāpali ina lumashanra, “Iwui mi maningmana” kachipāli ina, “Na iwui mina” jira; chieina athumna, “Na iwui Varena.” da hāngra.

HOSEA 2:4

Anaomayara eina tangdali malumashanmimara, kaja athum shāmnaosera.

AMOS 7:8

Kala Prohona ili hānga, “Amos, nana khi theikhala?” Ina ngahānkai, “Urum akha thei.” Chieina Prohona hānga, “Yanglu, iwui mibing Israewui alungthungli ina urum akha haihaira; ina chibingli mamakānluimara;

AMOS 9:8

Yanglu, morei kasā wungramtungli Proho VAREna yangdalei; kala chi ina okathuiwui eina shimān ngasakra, Jacobwui shimkhurmāngli mamutchao ngasakmara.”

1 PETER 2:10

Atam akhali nathum Varewui mi mangasāsamana, kha ara awui mibingna. Atam akhali nathum awui lukhamashan matheisāmana kha ara nathum theihaira.