HOSEA 1:2 - Kathara Bible (BSI)

² Prohona Hoseali rimeikapta khangazek tharan, Prohona ali hānga, “Vālu, laga napreiva̱̱ sākhavai khayorva̱̱ sha̱nao akha akhuilu, kala khayorva̱̱wui nao pharākhuilu, khikhalajila ngalei hina Proholi horhailaga hakmahāmeikap kaji khayorva̱̱wui ot sāhaira.”

HOSEA 1:2 Iomraidhean Croise

2 THOTRINCHĀN 21:13

kha Israelwui awungabingwui apongli shurzatta Judah eina Jerusalemwui mibingli, Ahabna Israelnaobingli mashitkasangwui pongli thānkazat thāda kasāwui vang, nali phākhamei nachinā ngarā, navāwui shimkhur mibinglila, nana shaothathaira,

LAA 106:39

Chithāda sāda athumwui otsak eina athum makathar ngasāhaowa, kala athumwui otsak khayorva̱̱wui otsak sāthuihaowa.

LAA 73:27

Kaja yanglu, nawui eina tāda khaleibing shimānserra; nali kachipatbingli nana tangngasakhaora.

JEREMIAH 2:13

Kaja iwui mibingna makaphā khani sāhaira: longkazata tara̱ khame ura̱ ili malaihaowa, kala mangarungki kaji ra̱khong athumna khonkhui.”

JEREMIAH 2:20

“Kaja nathumna nathumwui langkon sāshatta, nar kahaiwui eina shok kahai atam kasāngkhahaira; kala nathumna, ‘I otram mangatha̱luimara’ da hānga. Mha, kaphung kajuitung kachiva̱li, khamatek thingrongphei kachiva̱li khayorva̱ thāda khoruma.

JEREMIAH 2:23

Nana kathada ‘I mamakhaomana, Baalwui thi I mashurmana’ da hāngpairakhala? tampākli kathada zatsākhala kaji phaningunglu, nana khi sāhailikhala theilu— utlāva̱na mathangkazat thāda,

JEREMIAH 3:9

Khikhalajila khayorwui otsak hi awui vang kapai ot sāthuihaoda, thing ngalungli ngashāmzatta ngalei hi ana sāmakhao kahaina.

EZEKIEL 6:9

chieina mi ngaleili yāmkhavā nathum raithā kahaili khuivā kahai chitharan ili phaningungra, kaja iwui eina pākthui kahai athumwui maphākakhui ning chi ina sakhaikhami tharan, kala maphākhuilakla meoma̱li shurkazatwui mik chi ngapeo ngasakhaora; kala athum khalattawui mikyanli athum khalatta, athumna makhangayi sākahai saikora chiwui vang ningkachaira.

HOSEA 2:7

Awui leikashebingli ana khoromzatra, kha mangaphanmara; kala ana athumli phāra, kha masamphangmara. Chiwui thili ana, “Igahara kharepāli latungura — kaja iwui vang aruiwuile kharepāna phamei.” da hāngra.

HOSEA 3:1

Kala Prohona ili hānga, “Nana valuishitta shuikhangarui mi akhana leikashi phokaphava̱ akhali leishilu; chithāda Israelnaobingna vare kateibingli ngareivāhailala kala drakhātheikaowui khamuili kahaothui hailala Prohona leishichinga.”

HOSEA 5:3

Ina Ephraimli thei, kala Israel iwui eina mangathumpaimara; kaja O Ephraim, nana khayorwui ot sai, Israelli sākhamāng ngasakhaira.

MARK 1:1

Varewui Naomayara Jishu Khristawui paokaphā haokaphok.

KHALATLUI 31:16

Kala Prohona Mosesli hānga, “Yanglu, navā ngarāli ngasoda nala ngasāmkakhui atam nganaihaira; chiwui thili mibing hina, athumna vāzangda angasopamki kaji yurwui alungli, ngalei chiwui ngateihang kahai varebingwuili zangda khayorva̱wui otsak sāra kala ina athumli tuingashit sākahai chi kaihaida ilila malaihaora.

2 PETER 2:14

Athum phophākhangai mikyanmāng eina yanga kala morei ot kasāli kapen mavaimana. Ning khangazanbingli athumna suikhui kala athumwui ningli kākharāmna pemtinghai. Athum khonshi kahai naongarāna!

PHONGKHAMI 17:5

akhaveili ngathum kahai kakhalat khalei aming hithada kapihai: “Khareia Babylon, pha̱khayorva̱̱bing kala okathuiwui ningkakachaiwui ava̱va̱”,