HOSEA 1:11 - Kathara Bible (BSI)

¹¹ Kala Judahwui mibing eina Israelwui mibing kaziprumhaora kala athum khalattawui kathāna akha kapangra; kala athumna ngalei chili mungra, kaja Jezreelwui thot malinglakra.

HOSEA 1:11 Iomraidhean Croise

LAA 110:3

Kathara phungreitungli, nawui ashangva̱li thānthanghon nawui mibingna khalem eina chigatra. Ngathorwui naopam eina ikra̱ katā thāda, nawui yaron-ngalābina nali rāra.

JEREMIAH 30:21

Athumwui wungnaola athum khalattawui eina shokra, athumwui khamungala athum ngachaiwui eina rāra. Ina ali rānganai ngasakra, chieina ana ili rānganaira. Kaja khalatta khipāna ili rānganailengrakhala? da Prohona hānga.

JEREMIAH 30:3

Kaja yanglu, iwui mibing Israel eina Judahli shimlui hanmiki kaji zimiksho chi rārāli, da Prohona hānga, kala ina avāva̱ ngarāli mikahai lam chili athumli khuiungluishitra, kala chi athumna samphangra da Prohona hānga.”

JEREMIAH 30:7

Iyavo! zimiksho chi hakkhamahā, chithāda maleilakranga; Jacobwui vang kakhanangwui atamna; chithalala ali chiwui eina kanshokra.”

JEREMIAH 31:33

Kha chiwui thili Israelwui shimkhurli ina tuingashit sāki kaji chiya hithāra da Prohona hānga: Iwui ain athumwui ningli sangmira, kala athumwui wuklungli kapisangmira; kala ina athumwui Vare ngasāra, kala athumna iwui mibing ngasāra.

JEREMIAH 32:37

Yanglu, ina malungkhavāt, malungkakang kala ningkatheng eina kashamvā kahaipam kachiva̱wui eina ina athumli kazipkhuira; ina athumli apam hili khuiungluira, kala athumli chingri eina pānngasakra.

JEREMIAH 50:19

Israelli ina awui seihomphungli latluida hanung ngasakra, kala ana Carmelli kala Bashanli phāshak-phazāpamra, kala awui ningkachāng chi Ephraim eina Gileadwui phungrābingli ungshungra.

EZEKIEL 39:25

Chiwui vang Proho VAREna hānga: “Ara ina Jacobwui shimlui hanmiluira, kala Israelwui shimkhur katongali lumashanmiluira; kala iwui katharamingli machipat ngasakluimara.

HOSEA 2:1

Nachinā, “Ammi” (iwui mibing) kala nazarva̱ “Ruhamah” (Lukhamashan samphanghaira)li hānglu,

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

ROMNAO 11:15

Athumli horkahai tharan Varewui yangkashe sākasā Gentilebingna awui khamashita ngasāhaowa, chithākha Varena athumli khuikasang tharan khi ngasāra! Kathebingna ringkhaluiwui ringkaphā thāhaora.