HOSEA 1:10 - Kathara Bible (BSI)

¹⁰ Chithālala Israel yurwui mashing mashānkharar mangatamkapai shamadruwui situi thahaora; kala athumli kahāng, “Nathum iwui maningmana” majiluila athumli “Kharinga Varewui naongarābing” hohaora.

HOSEA 1:10 Iomraidhean Croise

HAOKAPHOK 13:16

Nawui ara̱-azā okathuiwui chifayākha ngasā ngasakra; chieina mina chifa shānkhuishapakha nawui ara̱-azāla shānkhuishapra.

HAOKAPHOK 22:17

kachangkhat ina nali somira, kala ina nawui ara̱-azā kazingli khalei sirāyākha kala kongpheiwui situiyākha ngasā ngasakra. Kala nawui ara̱-azāna nawui yangkashebingwui ngavei khavangra.

HAOKAPHOK 32:12

Kha nana, ‘ina nali kaphā sāmira, kala nawui ara̱-azā mashānkharar shamadruwui situiyākha ngayāra’ da hānga.”

2 SAMUEL 7:24

Kala nawui mi sāching khavai nakhalattawui vang nana nawui Israel mibing sakāmihaira; kala nana, O Proho, athumwui Vare ngasāmi.

ISAIAH 43:6

Inaomayara ngarā, inaongalāva̱ ngarā, okathui achikun matiwui eina khuirāser khavai, atoli Chihohaolu, azeli Makhāmalu da hāngra.

ISAIAH 48:19

nathumwui naothei situiyākhahairara, nathumwui ara̱-azā chiwui athāyakhahairara; athumwui ming makatatlakmara, iwui mangāwui eina kashimānla mashimān ngasaksamara.”

ISAIAH 63:16

Kaja na ithumwui Avāva̱na, Abrahamna ithumli matheisālala, Israelna ithumli makhuisangsālala; O Proho, na ithumwui Avāva̱na, achālakhawui eina thuida naming chi ithumwui Ngatangkhamena.

ISAIAH 64:8

Chithālala, O Proho, na ithumwui Avāva̱na; ithum leikhonna, na ithumwui ham kasaana; ithum nawui pāngsaksera.

ISAIAH 65:1

“Ili makhangathingbingna ili phāranu, Ili makaphābingna ili samphangranu da ina ngarāna. “I hili leili, I hili leili” da ili makhangakao yurli ina hānga.

ISAIAH 66:20

Israelanaobingna tharzāri kahai khongsai eina athumwui muisakchigat Prohowui shimli khuikharā thada, athumna yur saikorawui eina nachinā ngarā katongali Proholi kachigat sāda athumli sigui eina, siguigari eina, dolai eina, gadhā eina, kala ut eina iwui kathara phungrei Jerusalemli khuirāra da Prohona hānga.

JEREMIAH 33:22

Kazingramli khalei chi mashānkhuikharar thāda, kala shamadruwui situi mangatamkhuikharar thāda, iwui rao Davidwui kala ili otram khangatha̱ Leviwui arā-aza̱bing mataisangmira.”

DANIEL 6:26

Iwui wungramli khalei saikorali ina kakaso khamina, kaja mibingna Danielwui Vareli ngacheeda khayāshiranu, kaja ava makashimān kharinga Varena; awui wungram masāshimānlakmara, kala awui khamung katongali vāshungra.

HOSEA 1:9

Kala Prohona hānga, “Awui ming Loammi holu, khikhalajila nathum iwui miyur maningmana kala I nathumwui Vare maningmana.”

HOSEA 2:23

Kala ali ina iwui vang ngalei chili yaosangra, malumashankasāpali ina lumashanra, “Iwui mi maningmana” kachipāli ina, “Na iwui mina” jira; chieina athumna, “Na iwui Varena.” da hāngra.

JOHN 1:12

Kha awui mingli shitsangda ali khuikasanga, asheewui lah asāwui kaphaning lah mikumowui kaphaning eina maningla

ROMNAO 8:19

Kaja sākahai saikorana Varewui naongarāna da phongkashok chi ngaraida lei.

2 CORINTHNAO 6:18

I nathumwui avāva̱ sāra, nathum iwui naongarā sāra, da sāshapa Prohona hānga.”

HEBREWNAO 11:12

Chieina kathi eina ngaraichā kahaia mi akhawui eina ara̱-azā kazingramwui sirā kala shamadrupheiwui situi ngayāda shoka.