HAGGAI 2:4 - Kathara Bible (BSI)

⁴ Chithālala ara malung pinglu, O Zerubbabel, da Prohona hānga; malung pinglu, O Jehozadakwui naomayara pāngmon kharei Joshua; malung pinglu ngalei hiwui mi saikora, da Prohona hānga; ot sālu, kaja ina nathumli ngasomida lei, da saikorawui Prohona hānga,

HAGGAI 2:4 Iomraidhean Croise

2 SAMUEL 5:10

Kala Davidna mataisangkhangai mataisanghaowa, kaja saikorawui Proho Varena ali ngasomi.

1 THOTRINCHĀN 22:13

Chieina Israelwui vang Prohona Mosesli kaso kahai ain kala shiyan-chikanbing chi mayontitakha na reikasang ngasāra. Pangmalu, kala pingmeilu. Mangacheealu; malung maringalu.

1 THOTRINCHĀN 28:20

Chiwui thili Davidna anaomayara Solomonli hānga, “Lungsanmeilu kala pingmeida sālu. Mangacheealu, makhanangalu; kaja Proho iwui Varena nali ngasomida lei. Prohowui shim kasā hi makupranglakha eina tangda ana nali horkahai masālakmara.

EZRA 10:18

Pāngmonbingwui naomayarabing kha̱milā kakhui chi Ma-aseiah, Eliezer, Jarib kala Gedaliah; Jeshua naongarābingwui eina shimkhurli Jozadakwui naomayara kala achinā ngarāna.

EZRA 5:2

Chieina She-alti-elwui naomayara Zerubbabel eina Jozadakwui naomayara Jeshuana Jerusalemli khalei Varewui shim chi sāphoklui, kala Varewui marānbingna ngachonmi.

SHONGZĀ 3:12

Ana hānga, “Ina nali ngasomira: kala nali ina kachihona kaji hieina theikhuira: Egyptwui eina athumli thānkashok tharan, Vareli nathumna phungrei hili otram ngatha̱ra.”

HAGGAI 1:13

Chiwui thili Prohowui paopho Haggaina, “Ina nathumli ngasodalei”, da Prohona kahāng pao chi athumli hāngchithei.

ZECHARIAH 4:6

Chiwui thili ana ili hānga, “Hi Prohona Zerubbabelli kahāng tuina: yāng einala maningma, pangshap einala maningmana, kha iwui Manglā eina kasāna, da saikorawui Prohona hānga.

ZECHARIAH 8:9

Saikorawui Prohona hithāda hānga: “Saikorawui Prohowui shimphunga ngalung hamkaphok eina thuilaga marānbingwui khamor eina kashā samkaphang nathum khorumshim chi sākāshap khavai nathumwui pāng yāng kāngasaklu,

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

OTSAK 7:9

“Ishāvā ngarā china Josephli mikpaishida Egypt ngaleili yorsanghaowa; kha Varena ali ngasomi,

1 CORINTHNAO 16:13

Ning ngasharlu, shitkasangli nganingtitlu, pingda pangda sālu.

EPHESIANAO 6:10

Naomeikapta, Proholi khangarum kala awui pangshap chieina nathumwui pangshap pangsang ngasaklu.

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

2 TIMOTHY 2:1

Chiwui vang eina inaomayara, Khrista Jishuli zangda samkaphang lukhamashan chiwui alungli kapinga ngasālu,

2 TIMOTHY 4:17

Kha Prohona nganingmi kala ili pangshapla mi. Chieina Gentilebing saikorana nganāsang khavai paokaphā chi ina hāshokshaphaowa; a kala ili shaothat khavai khak tāki kaji chiwui eina kanshokmi.

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

WUNGVA̱-WUNGVĀ 2:18

Prohona wungva̱-wungvā kapangkasang tharan Prohona athumli ngasomi, kala wungva̱-wungvā leilakha eina tangda ana mibingli yangkashibingwui eina kanmi; kaja athumli chotta khanang khangasakwui vang ringkhangā chi shālaga Prohona athumli lumashanmi.

1 SAMUEL 16:18

Yaronnao akhana ngahānkai, “Yanglu, Bethlehempa Jessewui nao akha tingteilā huitheilak kahai ina thei; a kapinga, raimina, chanhān unglaka, kala otsakla mathālaka kala Prohona ngasokhame mi akhana.”