HAGGAI 2:2 - Kathara Bible (BSI)

² Ara tui hi She-alti-elwui naomayara Judahwui khamunga Zerubbabel, Jehozadakwui naomayara Joshua kala nganingshing kahaiya saikorali hānglu, kaja,

HAGGAI 2:2 Iomraidhean Croise

EZRA 1:8

Lan kazipme Mithredathwui pāngwui eina Persiawui awunga Cyrusna otbing chi khuishokta Judahwui wungnao Shesh-bazzarwui pāngli shānsangmi.

EZRA 2:63

kala lammungana athumli hānga kaja Urim eina Thummim yangmi khavai pāngmon akha maleiranglakha athumna tharmathengmeikap kaji ot chi mashaipaimana.

EZRA 3:2

Chiwui thili Jozadakwui naomayara Jeshuali ngasoda avānao pāngmonbing, kala Shealti-el wui naomayara Zerubbabelli ngasoda ashibing hanphut akha sakai, Varewui mi Moseswui ningkhamili hāngkahai athishurda rikkatā hanphut akha sakai.

NEHEMIAH 8:9

Rammunga sākasa Nehemiah, Ezr pāngmon kala ain kathema, kala mibingli tamkachitheia Levibingna mi saikorali hānga, “Aja hi nathumwui Vare Proho wui vang kathara zimikshona, masifalu kachapla machapngachālu.” Kaja mibingna ainwui tui chi kashā tharan athum saikorana chaphaowa.

HAGGAI 1:1

Darius awungana mungda zingkum kakhanewui kachāng katharuka, zimiksho kharethang, Prohowui tui china Haggai marānwui mangā eina Judahli khamunga, She-alti-elwui naomayara Zerubbabel kala Jehozadakwui naomayara pāngmon kharei Joshuali rāhānga,

HAGGAI 1:12

Chithāda She-alti-elwui naomayara Zerubbabel, kala Jehozadakwui naomayara pāngmon kharei Joshuana, miyur chiwui shākkahai saikorali ngasoda athumwui Vare Prohowui tui chi nganai, kala Haggaiwui tui chi ali athumwui Vare Prohona chihokharāna da theilaga khuisanga; kala mibing china Prohowui mangāli ngacheeda shitsanga.

HAGGAI 1:14

Kala Prohona She-alti-elwui naomayara Judahwui khamunga Zerubbabelwui ning, kala Jehozadakwui naomayara pāngmon kharei Joshuawui ning kala mibing chiwui shākkahaiwui ning ngatha̱ ngasakta; athumwui Vare saikorawui Prohowui shim chi sāphoka,