HAGGAI 1:9 - Kathara Bible (BSI)

⁹ “Nathumna kachungkha samphang khavai phai, kha yanglu, kateokhamang ngasāhaowa; kala nathumna chi shimli khuikhaung tharan, ina malitāmihaowa. Khiwui vangkhala? da saikorawui Prohona hānga. Kaja nathum khalatta kachichā shimwui vang ngalang zārda ot sālaga, iwui shima ja̱tāda lei.

HAGGAI 1:9 Iomraidhean Croise

2 SAMUEL 21:1

Chitharan Davidwui atamli kum kathum ngaronda chāmrei rāhaowa; Davidna Proholi seihā sai. Kala Prohona hānga, “Saulna Gibeonnaobingli shaokathatwui vang a kala awui shimkhurli asheewui morei lei.”

2 SAMUEL 22:16

Chiwui thili Prohona khakkhākharor eina, shamadruwui ra̱shongla thei, apuk-apagwui zangkatangla ngahāhanghaowa.

2 WUNGNAOBING 19:7

Yanglu, ina ali ning akha sangmida, pao makhamathā akha shāngasakta awui ngaleili latunghaora; kala shimli ungkashung eina ali akhalattawui raighai eina thingasakra.’”

JOBWUI LAIRIK 10:2

Ili khayon mamialu, da Vareli hāngra; ili nana khiwui vang khangarukkhala chitheimilu.

CHĀNSAM 11:24

Thada khame china shāngsanga; miphalungki kaji makhame a chiya khavāt samphanga.

CHĀNSAM 27:20

Kathewui ram eina Abaddonna ningyāng khaung masamphanglakmana, kala miwui mikna ningyāngkhaung mavailakmana.

HĀSHOKME 1:8

Ot saikora kakhanangna pema, mina mahangrarmana, kathei chi eina mikna mapenmana, lah kashā chin khanā mapemrarmana.

ISAIAH 40:7

Thingnāna thenga, awonla ngahui, Prohona khak suikharor tharan; mi hi khawolaka.

ISAIAH 5:10

Drakhā yāmgui acre tharāwui eina liter chishatmāng khuira, kala theimaji shungkhana khuilukhamāng khuira.”

JEREMIAH 12:13

Athumna kehu lingsanga, ka̱shāt hātkhui; chotchānglak eina ot sai, kha tongkazā maleimana. Athum māhātwui vang khayakkha̱ sākhuira, khikhalajila athumli Prohona malungvāthaowa.”

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

PĀNGMONSHI 19:25

Kha kaphangā kum nathumna chiwui athei chi shaipaira, hithakha arongna chungmeida athei mataisangmira: I Proho nathumwui Varena.

HAGGAI 1:4

“Khorumshim kaikhayāngda khalei theitheilaga nathum khalatta sākharirik kahai shimli kapam atamla?

HAGGAI 1:6

Nathumna kachungkha yaosanga kha kateokhamang hātkhui; nathumna zālala kapen mavaimana, nathumna manglala machirlakmana; ngavailala khipākha khalum masamphangmana; ngalang pheikhuilala akhur khawutta khaoli pheisānga.

MALACHI 2:2

Nathumna manganāsangakha, iwui mingli tekhamatei mikhavai wuklungli mahaiakha, khonkashi chi ina nathumwuitungli chihorāra kala nathumli somi kahai chili ina khonshira; kachangkhat hangga jiakha ina athumli khonshihaira, kachiwui vangkhala kaja chi nathumna wuklungli mahaimana da saikorawui Prohona hānga.

KHALATLUI 28:38

Nathumna mā kachungkha yaosangra, kha kateokhamang hātkhuira, kaja khaohna shaimiserhaora.

PHONGKHAMI 2:4

Kha nali mamayākhangai hi lei; khareli nana ili leikashi leishāt chi ara maleithura.

PHONGKHAMI 3:19

Ina leishilak kajebingli hāngmachinda tandila mi; chiwui vang eina ningmazingda ningngateilu.