HAGGAI 1:8 - Kathara Bible (BSI)

⁸ Kaphungli kāda thing akhuilaga shim chi sakālu, chieina ina chiwui vang ringphāpaira kala iwui tekhamatei eina rāchitheipaira da Prohona hānga.

HAGGAI 1:8 Iomraidhean Croise

1 WUNGNAOBING 6:1

Israelwui mibing Egyptwui eina shokta kum shāmati hangkachishata kum kala Solomonna mungda khamate kum, Khaying kachāng, kaja kachāng kakhaneli, Solomonna Prohowui shim sāphoka.

1 WUNGNAOBING 9:3

Prohona ali hānga, “Nana seihā sāda iwui mangāli kapo chi ina shāhaira; kala nana sakā kahai shim chi ina tharchigatmihaira, hili iwui ming leichingra; ina ningkachang eina yangmichingra.

1 THOTRINCHĀN 22:19

Ara, nathumwui ningla, wuklungla zangda nathumwui Proho Vareli phālu. Ngakarthuida Proho Varewui kathar shim chi sakālu, chithāda sāda Prohowui tuingashit oko kala Varewui kathara khorkhongla Proho mingwui vang sakakā shim chili khuizangpaira.”

2 THOTRINCHĀN 7:16

Kaja ara iwui ming hili leiching khavai ina apam hi hākhuida shim hi tharchigathaira; imikyan kala ining atam saikorali hili leichingra.

EZRA 3:7

Chieina athumna ngalung mistri eina thing mistribingli pheisā mi, kala Persiawui awunga Cyrusna athumli mayākhami athishurda, Sidon eina Tyrewui mibingli Lebanonwui eina Joppali cedarthing shamadrutungli khuiung khavai ra̱shakshirei kala thao mi.

EZRA 6:4

kahahak lungphek ngaher kathum kala thing ngaherkha da ngaphora, kala chiwui aman awungawui lanshim eina mira.

SHONGZĀ 29:43

Chili ina Israelnaobingli samphangda iwui tekhamateina chi tharngasakra.

ISAIAH 60:13

Lebanonwui tekhamatei nawuili rāra, cypressthingla, mafathingla, matangla, iwui kathara shim mathā ngasak khavai; kala iphei haikhavai pam tekmatei ngasakra.

ISAIAH 60:7

Kedarwui yaoshang saikora kazipkhuida nali khuirāra, Nebaiothwui yaovābingna nali otram ngatha̱ra; iwui hanphutli chibing chi khuisangkapai ngasāra, kala iwui tekmateilak kahai shim chi ina tekmatei ngasakra.

ISAIAH 66:11

chithāda awui ningkhalum na̱ chi nathum mangda ningyāng ungpaira; awui tekhamateiwui khavāt makhaleiwui eina nathumna ningyāngunglak eina kala chirchomri eina mangkhuipaira.

HAGGAI 1:7

Ashangva̱wui Prohona hithāda hānga: Nathumna kathāda sāhairakhala kaji machukyanglu.

HAGGAI 2:7

kala yur saikora ina khanukra, chithāda sāda yur saikorawui lan chi rāzangra, kala ina shimhi tekhamatei eina chipemra, da saikorawui Prohona hānga.

HAGGAI 2:9

Sakākhanaowa shimwui tekhamatei china kharewuili mataimeira, kala apam hili ina shāngngasakra da saikorawui Prohona hānga.”